جاپونيا مەن اقش وكىلدەرى كەلەسى اپتادا جاپون اۋماعىندا امەريكالىق اسكەري بازالاردى ۇستاۋعا جۇمسالاتىن شىعىندار بويىنشا كەلىسسوز وتكىزبەك. بۇل تۋرالى NHK تەلەارناسى حابارلادى.
تاراپتار 2021 جىلعى بيۋدجەت قۇجاتىنا سايكەس، كەلەسى ءتورت جىلعا ارنالعان كەلىسىمشارت جاسايدى. نەگىزىنەن جاپونيا مەن امەريكا اراسىنداعى اسكەري بيۋدجەت ماسەلەسى بىرنەشە جىلدان بەرى كۇن تارتىبىندە تۇرعان. دونالد ترامپتىڭ ۇلتتىق قاۋىپسىزدىك جونىندەگى بۇرىنعى كومەكشىسى دجون بولتون ۋاشينگتون 2019 جىلى توكيودان جىل سايىن ەلدەگى امەريكالىق اسكەري بازالاردى ۇستاۋعا 8 ميلليارد دوللار ءبولۋدى تالاپ ەتكەنىن ايتقان. بۇل سوما قازىرگىدەن 4,4 ەسە كوپ.
بىلتىر جاپونيانىڭ اسكەري بازالاردى ۇستاۋعا ارنالعان شىعىندارى 199,3 ملرد يەنگە جەتكەن. ياعني نگىزگى باعام بويىنشا 1,8 ملرد دوللاردان استام. جاپونيا وسى نىساندارعا بايلانىستى بارلىق كوممۋنالدىق شىعىنداردى تولەيدى. سونىمەن قاتار ولاردىڭ جەرگىلىكتى قىزمەتكەرلەرىنىڭ جالاقىسىن الادى.
وكيناۆا ارالىندا ورنالاسقان كادەنا – اقش-تىڭ قيىر شىعىستاعى ەڭ ءىرى اسكەري بازاسى. ول 2 مىڭ گەكتار جەردى الىپ جاتىر. جالپى وكيناۆا ارالىندا 25 مىڭ 800 امەريكالىق جاۋىنگەر مەن ولاردىڭ 19 مىڭ تۋىسى تۇرىپ جاتىر. وكيناۆا پرەفەكتۋراسىنىڭ اكىمشىلىگى مەن جەرگىلىكتى حالىق ۇنەمى اقش اسكەرىنىڭ قىسقارتىلۋىن تالاپ ەتەدى.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟