اقش قىتاي مەن يران كومپانيالارىنا سانكتسيا ەنگىزدى

اقش قارجى مينيسترلىگىنىڭ شەتەلدىك اكتيۆتەردى باقىلاۋ باسقارماسى (OFAC) بىرنەشە مەملەكەتكە قاتىستى سانكتسيالىق ءتىزىمدى جاڭارتتى.

قاتاڭ قاۋلىعا ەنگىزىلگەن مەملەكەتتەر قاتارىندا يران، قحر، ءۇندىستاننىڭ زاڭدى تۇلعالارى، سينگاپۋرعا تيەسىلى ەكى ۇيىم جانە قىتايدىڭ بەس كومپانياسى ىلىككەن.

رەسمي ۆەدومستۆو تاراتقان حابارلامادا: «باسقارما Triliance Petrochemical Co كومپانياسىنىڭ دەلدالدىعىمەن يران مۇناي-حيميا ونىمدەرىن ساتۋعا جانە ساتىپ الۋعا قاتىسقانى ءۇشىن سەگىز ۇيىمدى سانكتسيالار تىزىمىنە ەنگىزەدى. Ltd 2020 جىلدىڭ قاڭتارىندا سانكتسيالار تىزىمىنە ەنگىزىلگەن. يران، قىتاي جانە سينگاپۋرعا تيەسىلى بۇل ۇيىمدار Triliance Petrochemical Co ۇيىمداستىرعان وپەراتسيالارعا قاتىسقان»، – دەلىنگەن ماتىندە.

ۆەدومستۆونىڭ حابارلاۋىنشا، يران تاياۋ شىعىس پەن ۆەنەسۋەلاداعى جاعدايعا ارالاسىپ، كومپانيالارىن «زاڭسىز» قارجىلاندىرۋ ءۇشىن مۇناي ساتۋمەن اينالىسقان. اقش سانكتسيالارىنا ەنگىزىلگەن ادامدار مەن كومپانيالاردىڭ بارلىق مەنشىگى مەن مۇلىكتىك مۇددەلەرى قۇراما شتات اۋماعىندا بۇعاتتالدى. امەريكا ازاماتتارىنا ولارمەن كەز-كەلگەن ىسكەري وپەراتسيالاردى جۇرگىزۋگە قاتاڭ تىيىم سالىندى.

"The Qazaq Times"