بريۋسسەلدە ەۋروپالىق وداقتىڭ كەزەكتى ءسامميتى ءوتتى. بريۋسسەلدەگى ەكى كۇندىك سامميت Brexit تاقىرىبىنا ارنالعانىمەن، كەزدەسۋدە رەسەي مەن باسقا دا ەلدەرگە قارسى سانكتسيا ماسەلەسى قاراستىرىلدى.
Al Jazeera مالىمەتىنشە، سامميت قورىتىندىسىندا ەۋرووداق ءسۇريادا جاقىندا عانا تاعايىندالعان 7 ءمينيستردى قارا تىزىمگە ەنگىزدى. الەكسەي ناۆالنىي ىسىنە قاتىستى 6 رەسەيلىك شەنەۋنىك پەن ءبىر عىلىمي-زەرتتەۋ ينستيتۋتىنا سانكتسيا ەنگىزدى. ال تۇركيانىڭ جەرورتا تەڭىزىنىڭ شىعىسىندا گەولوگيالىق جۇمىستاردى قايتا باستاۋىنا قاتىستى ماسەلەنى جەلتوقسانداعى كەزدەسۋدە تالقىلاۋ تۋرالى شەشىمگە كەلدى.
ەۋروپالىق كەڭەس توراعاسى شارل ميشەل: «جەلتوقساندا وتەتىن سامميت بارىسىندا جەرورتا تەڭىزىنىڭ شىعىسى مەن تۇركيا ماسەلەسىن قاراۋدى جوسپارلاپ وتىرمىز. وعان دەيىن ايماقتاعى جاعداي ءجىتى قاداعالانىپ، تاراپتاردىڭ ارەكەتى ۇنەمى باقىلاۋدا بولادى»، – دەدى.
سونىمەن قاتار ەو ەلدەرى باسقوسۋدا ۇلىبريتانيامەن ساۋدا كەلىسىمشارتىن بەكىتۋى كەرەك ەدى. الايدا تاراپتار تاعى دا ورتاق شەشىمگە كەلە المادى. كەزدەسۋدە وزگە دە سىرتقى ساياسات ماسەلەلەرى مەن ەۋروپاداعى كوروناۆيرۋس ىندەتى تالقىلاندى.
باسقوسۋدىڭ باستى تاقىرىبى – ەۋرووداق پەن بىرىككەن كورولدىك بايلانىسى. ساراپشىلار ەۋرووداق كەلىسمشارتسىز ستسەناريگە دە دايىندالۋ قاجەت دەيدى. وسى ماقساتتا وداقتىڭ باس مامىلەگەرى ميشەل بارنە لوندونعا تاعى ساپار شەگەدى.
گەرمانيا كانتسلەرى انگەلا مەركەلدىڭ ايتۋىنشا، ۇلىبريتانيا دا، ەۋرووداق تا ورتاق كەلىسىمشارتقا قول قويۋ كەرەك دەگەن ماقساتتى ۇستانبايدى. بىراق تاراپتار ورتاق شەشىمگە كەلە الماسا باسقا جولدى تاڭداپ الۋى كەرەك.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى