فرانتسيا پرەزيدەنتى ەممانۋەل ماكرون. فوتو: https://cdn

ەپيدەميولوگيالىق احۋلادىڭ ناشارلاۋىنا بايلانىستى فرانتسيانىڭ بىرقاتار وڭىرىندە كومەندانتتىق ساعات ەنگىزىلدى. بۇل تۋرالى The Guardian حابارلادى.

ەرەجە بويىنشا، ساعات 21.00-06.00 ارالىعىندا تۇرعىندارعا سىرتقا شىعۋعا قاتاڭ تىيىم سالىنادى. تارتىپكە باعىنباعاندار ءبىرىنشى رەت ەرەجە بۇزسا 135 ەۋرو كولەمىندە، ال ەكىنشى قايتارا تىركەلسە 6 500 ەۋرو ايىپپۇل تولەيدى. مۇنىمەن قوسا، كينوتەاتر، تەاتر، كافە-بارلاردىڭ جۇمىس ۋاقىتىنا شەكتەۋ ەنگىزىلەدى.

جاڭا قاۋلىنى بەكىتكەن فرانتسيا پرەزيدەنتى ەممانۋەل ماكرون: «ءبىز كومەندانتتىق ساعات رەجيمىن ەنگىزۋ ارقىلى ەلدىڭ 9 ايماعىندا كوروناۆيرۋستىڭ تارالۋىن تەجەمەكپىز. ال تۋعان كۇندى اتاۋ ءوتۋ سەكىلدى ساۋىق كەشتەرى كەرىسىنشە ينفەكتسيانىڭ تارالۋىنا جول اشادى»، – دەيدى.

قوعامدىق كولىكتەر قىزمەتىن توقتاتپايدى. تەك ءجۇرۋ كەستەسى عانا قىسقارادى. ءتارتىپتىڭ قاتاڭ ساقتالۋىن جەرگىلىكتى پوليتسەيلەر قاداعالايتىن بولادى.

"The Qazaq Times"