كەشەلى بەرى قىرعىزستان استاناسىنداعى كۇشتىك قۇرىلىمدار مەن نارازىلاردىڭ قاقتىعىسىنان كەيىن، بىشكەك ۋاقىتىمەن ساعات 11:00-دە مەملەكەت باسشىسى سوورونباي جەەنبەكوۆ العاش رەت رەسمي مالىمدەمە جاسادى.
ساراپشىلاردىڭ كوبى «ءۇشىنشى رەۆوليۋتسياعا» بالاپ وتىرعان سايلاۋ قورىتىندىسىنا قارسى تاراپتاردىڭ باسكوتەرىۋى الداعى ۋاقىتتا قالاي جالعاسارى ازىرگە بەلگىسىز. بۇگىن اق ۇيدەگى كەڭسەسىنە بارا الماعان قىرعىزستان پرەزيدەنتى الەۋمەتتىك جەلىلەردەگى ءوزىنىڭ رەسمي پاراقشاسىندا ەلدەگى ساياسي توپتارعا قاراتا بەينە-ۇندەۋ جولدادى.
«قۇرمەتتى وتانداستارىم!
كەشە تۇندە كەيبىر ساياسي كۇشتەر مەملەكەتتىك بيلىكتى زاڭسىز تارتىپ الۋ ارەكەتىنە باردى.
سايلاۋدى سىلتاۋراتقاندار قوعامدىق ءتارتىپتى ورەسكەل بۇزدى.
قالا تۇرعىندارىنىڭ تىنىشتىعىنا قاۋىپ ءتوندىردى.
ءتارتىپ ساقشىلارىنا بويسۇنباي، مەدقىزمەتكەرلەردى ساباپ، عيماراتتاردى تالقاندادى.
كۇشتىك قۇرىلىمدارعا بىردە-ءبىر ازاماتتىڭ ومىرىنە قاۋىپ تونبەسىن، قان توگىلمەسىن، وق قولدانباڭدار دەپ بۇيرىق بەردىم.
قازىرگى ۋاقىتقا دەيىن جاعداي ۋشىقپاس ءۇشىن مۇمكىن بولعان شارالاردىڭ ءبارىن جاسادىق.
مەملەكەتتىڭ تىنىشتىعى مەن قوعامداعى تۇراقتىلىق ارقانداي دەپۋتاتتىق مانداتتان جوعارى تۇراتىنىن ەسكەرەمىز.
مەن ورتالىق سايلاۋ كوميسسياسىنا زاڭبۇزۋشىلىقتاردى تەرەڭىنەن انىقتاپ، قاجەت بولسا سايلاۋ قورىتىندىسىن جوققا شىعارۋعا ۇسىنىس ءبىلدىردىم.
ساياسي پارتيالاردىڭ باسشىلارىنا ءوز جاقتاستارىن تىنىشتاندىرىپ، توپتاسقان جەرلەردەن شىعارۋىن سۇرايمىن.
بارلىق جەرلەستەرىمنەن تىنىشتىقتى ساقتاپ، ارانداتۋشى تاراپتارعا الدانباي، زاڭسىز ارەكەتتەرگە بارماۋىن سۇرايمىن.
ولكەمىزدىڭ تىنىشتىعى مەن قوعام قاۋىپسىزدىگى – بارىنەن قىمبات.
بارلىق كۇشتەردى ەلىمىزدىڭ تاعدىرىن ساياسي امبيتسيالاردان بيىك قويىپ، قۇقىقتىق الاڭعا قايتۋعا شاقىرامىن»، – دەدى V پرەزيدەنت جەەنبەكوۆ.
وتكەن جەكسەنبىدە، 4 قازان كۇنى قىرعىزستاندا پارلامەنت سايلاۋى وتكەن. وسك-ءنىڭ 4 قازان تۇنگى 23:30-داعى بولجالدى ەسەبىنە سايكەس، «بيريمديك» پارتياسى – 24,5%، «مەكەنيم كىرگىزستان» – 23,9%، «كىرگىزستان» – 8,7%، «ءبۇتۇن كىرگىزستان» – 7,0% داۋىس جيعان. «مەكەنچيل» 6,8%، «رەسپۋبليكا» 5,8%، «اتا مەكەن» 4,0%، «ىيمان نۋرۋ» 3,3%، «بير بول» 3,0%، «چوڭ كازات» 2,3%، «زامانداش» 2,1%، «سوتسيال-دەموكراتتار» 2,1%، «رەفورما» 1,6%، «مەكەن ىنتىماگى» 0,6%، «وردو» 0,2% جانە «اۋعانستان ارداگەرلەرى» 0,1% داۋىس جيعان. سايلاۋشىلاردىڭ 1,8%-ى بارىنە قارسى داۋىس بەرگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟