The Times باسىلىمىنىڭ حابارلاۋىنشا، ەۋرووداق پەن ۇلىبريتانيا ساۋدا كەلىسىمى بويىنشا ورتاق شەشىمگە كەلە الماي جاتىر.

ەۋروكوميسسيا ۆيتسە-پرەزيدەنتى ماروش شەفچوۆيچتىڭ حابارلاۋىنشا، بريتان زاڭ جوباسى ەلدىڭ وداقتان شىعۋ تۋرالى كەلىسىمىنە كەرەعار. رەسمي لوندون قۇجاتتىڭ Brexit كەلىسىمشارتىنا ەش اسەرى جوق دەيدى.

ۇلىبريتانيا ۇكىمەتى حاتشىلىعىنىڭ باسشىسى مايكل گوۋۆ: «ءبىز ۇلىبريتانيا قۇرامىنداعى سولتۇستىك يرلانديانىڭ جاعدايى تۇراقتى ەكەنىنە كوز جەتكىزگىمىز كەلەدى. جانە وداقتان شىعۋ تۋرالى قۇجاتتىڭ تولىعىمەن ورىندالعانىن كوزدەيمىز. سوندىقتان قازىرگى زاڭ جوباسىن ساقتىق شاراسى رەتىندە قاراۋ قاجەت. ونى وكىلدەر پالاتاسى قولداپ وتىر. سوندىقتان قۇجات وزگەرىسسىز قالادى»، – دەيدى.

تاياۋدا ۇلىبريتانيا ۇكىمەتى Brexit بويىنشا كەي باپتارى حالىقارالىق قۇقىققا قايشى كەلەتىن زاڭ جوباسىن ۇسىنعان. قازىر زاڭ جوباسى قىزۋ تالقىعا ءتۇستى.

ۋەلس پەن شوتلانديا بۇل قۇجات ەلدەگى بيلىكتى ورتالىقتاندىرۋعا ارنالعان دەيدى. ەۋرووداق باسشىلىعى جاڭا زاڭ قوس تاراپ بەكىتكەن Brexit بويىنشا كەلىسىمدى، سولتۇستىك يرلانديا مارتەبەسى جونىندەگى حاتتاماعا قايشى دەپ كەسىپ ايتتى.

وسى ماسەلەگە قاتىستى پىكىر بىلدىرگەن ەۋروكوميسسيانىڭ ۆيتسە-پرەزيدەنتى ماروش شەفچوۆيچ: «ۇلىبريتانيا بيلىگىنەن ەۋرووداقتان شىعۋ كەلىسىمىن، ونىڭ ىشىندە يرلانديا جانە سولتۇستىك يرلانديا جونىندەگى حاتتامانى ۋاقىتىلى ءارى تولىعىمەن ورىندايتىنىن راستاۋىن سۇرادىم. كەلىسىم بويىنشا بىرلەسكەن كوميتەتتىڭ كەزەكتەن تىس جينالىسىن تەز ارادا وتكىزۋدى ۇسىندىم. بريتانيالىق سەرىكتەستەرىمىز وسى زاڭ جوباسى بويىنشا ساۋالدارىمىزعا جاۋاپ بەرۋى ءتيىس»، – دەيدى.

ەۋروكوميسسيا باسشىسى پىكىرىنشە، ۇلىبريتانيانىڭ ىشكى نارىقتار جونىندە جاڭا زاڭ قابىلداۋى ءوزارا سەنىمدى بۇزىپ، ەكىجاقتى ساۋدا كەلىسسوزدەردىڭ وتۋىنە جول بەرمەيدى.

"The Qazaq Times"