فوتو: zernoland.ru

يۋنيسەف جانە ۇكىمەتتىك ەمەس ۇيىمداردىڭ زەرتتەتۋلەرى الەم بويىنشا 140 ميلليوننان استام بالانىڭ جەتىم ەكەنىن كورسەتەدى. بۇل تۋرالى "اناتولى" اقپاراتتىق اگەنتتىگىنىڭ رەسمي سايتىندا جايالاندى.

زەرتتەۋگە قاراعاندا كوپتەگەن ەلدە بولىپ جاتقان سوعىستار، قاقتىعىستار، قۋاڭشىلىق، جۇقپالى اۋرۋلار سالدارىنان كۇنىنە 10 مىڭعا جۋىق بالا اتا-اناسىز قالۋدا. وسىعان قاراعاندا جىل سايىن 3,5 ميلليون بالا اكەسىز نەمەسە شەشەسىز قالادى.

اۋعانستان، يراك جانە سيريا سەكىلدى ەلدەردە اكەسىز نەمەسە شەشەسىز بالالاردىڭ كوپ بولۋى نازار اۋدارادى.

اۋعانستاندا شامامەن 2 ميلليون، يراكتا 5 ميلليون، سيريادا بولسا 1 ميلليونعا جاقىن بالانىڭ نە اكەسى جوق، نە اناسى جوق، نەمەسە اكەسى دە، شەشەسى دە جوق.

دۇنيەجۇزىلىك دەنساۋلىق ۇيىمىنىڭ ەسەبىندە كۇن سايىن 5 جاستان تومەن 16 مىڭ بالا قايتىس بولۋدا. يۋنيسەف دەرەكتەرىنە قاراعاندا 2015 جىلى 5 جاستان تومەن 5,9 ميلليون بالا سوعىس، اۋرۋ، ءدارى جانە تاماقتانۋ جەتىسپەۋشىلىگىنەن وپات بولدى.

ەۋرووداق پوليتسيا ورگانى ەۆروپولدىڭ زەرتتەۋىنە قاراعاندا 2015 جىلى ەۋروپاعا كەلگەن ءبىر ميلليون بوسقىننىڭ 27 پايىزى بالالار. ايىرىقشا ەۋروپاعا اتا-اناسىز كەلگەن 10 مىڭ بالانىڭ جوعالىپ كەتكەنى دە ايتىلىپ وتىر.

ەو ستاتيستيكا كەڭسەسىنىڭ دەرەكتەرىنە قاراعاندا 2008 جىلدان بەرى ەۋروپاعا بوسقىن بولىپ كەلگەن جەتىم بالالاردىڭ سانى 198 مىڭ شاماسىندا.

جالپى جاستارى 14-17 اراسىندا بولاتىن وسى بالالاردىڭ كوبى اۋعانستان، سومالي، ەريترەيا، سيريا جانە يراك سىندى سوعىس بولعان ەلدەردەن قاشىپ ەۋروپاعا كەلگەن.

تۇركياداعى ورتالىقتاردا تۇراتىن 82 مىڭ سيريالىق بالاعا ءبىلىم بەرىلۋدە. ۇلتتىق ءبىلىم بەرۋ مينيسترلىگىنىڭ قولداۋىمەن بالاباقشادان ليتسەيدىڭ سوڭعى سىنىبىنا دەيىن 510 مىڭ بالاعا مەكتەپتە وقۋ مۇمكىندىگى بەرىلدى. بۇلاردىڭ 245 مىڭى ۋاقىتشا ورتالىقتاردا، 183 مىڭى مەملەكەتتىك مەكتەپتەردە ءبىلىم الۋدا.

“The Qazaq Times”