جاپون كابينەتىنىڭ قازىرگى باس حاتشىسى يوسيحيدە سۋگا ەلدەگى بيلەۋشى ليبەرال-دەموكراتيالىق پارتيانىڭ توراعاسى بولىپ سايلاندى. Reuters اگەنتتىگىنىڭ حابارلاۋىنشا، جاڭا پرەمەر-مينيستر 16 قىركۇيەكتەن باستاپ قىزمەتىنە كىرىسەدى.
داۋىس بەرۋ توكيوداعى پارتيا سەزىندە ءوتتى. سۋگيدىڭ كانديداتۋراسىن دەپۋتات بولعان 394 ليبەرال-دەموكراتيالىق پارتيا مۇشەسىنىڭ 377-ءسى، سونداي-اق جاپونيانىڭ 47 پرەفەكتۋراسىنان 141 پارتيا مۇشەسىنىڭ 89-ى قولدادى. ادەتتە، لدپ-نىڭ كوشباسشىسىن سايلاۋ ءۇشىن پارتيا قۇرامىنداعى بارلىق دەپۋتاتتار (قازىر ولاردىڭ سانى 394) جانە بۇكىل ەل بويىنشا الدىن-الا پروپورتسيونالدى تۇردە تاڭدالعان پارتيانىڭ قاراپايىم مۇشەلەرى داۋىس بەرەدى.
16 قىركۇيەكتە سۋگا پارلامەنتتىڭ ەكى پالاتاسىنىڭ وتىرىسىندا جاڭا پرەمەر-مينيستر بولىپ بەكىتىلەدى. پارتيا جارعىسىنا سايكەس، لدپ-نىڭ كەلەسى باسشىسى بۇل قىزمەتتى 2021 جىلدىڭ قىركۇيەك ايىنىڭ سوڭىنا دەيىن، ابەنىڭ وتستاۆكاعا كەتكەن مەرزىمى اياقتالعانعا دەيىن اتقارادى. سودان كەيىن ستاندارتتى ءۇش جىلدىق مەرزىمگە جاڭا پرەزيدەنت سايلاۋى بولادى.
سۋگا مينيسترلەر كابينەتىنىڭ باس حاتشىسى قىزمەتىن 2012 جىلدان باستاپ، ابە پرەمەر-مينيستر بولعاننان بەرى اتقاردى. 2016 جىلدىڭ شىلدەسىندە ول قىزمەت ەتۋ ۇزاقتىعى بويىنشا رەكورد ورناتتى (ول كەزدە 1260 كۇن), سودان كەيىن ول ونى ەكى ەسەدەن اسىردى.
28 تامىزدا جاپونيا پرەمەر-ءمينيسترى سيندزو ابە دەنساۋلىعىنىڭ ناشارلاۋىنا بايلانىستى وتستاۆكاعا كەتۋ تۋرالى شەشىم قابىلدادى. سوڭعى ەكى اپتادا ابەنىڭ دەنساۋلىعى ناشارلاعان. تامىزدىڭ باسىندا جاپوندىق Flash اپتالىعىندا 6 شىلدەدە ابە ءوزىنىڭ جۇمىس كابينەتىندە قان قۇسىپ، اۋىر جاعدايدا بولعانى ايتىلدى. ال ابەنىڭ ءوزى جۋرناليستەرگە ءوزىن جاقسى سەزىنەتىنىن ايتقان.
2007 جىلى جاپون مينيسترلەر كابينەتىنىڭ باسشىسى ىشەك اۋرۋىنا بايلانىستى وتستاۆكاعا كەتكەن بولاتىن.
سيندزو ابە – جاپونيا تاريحىنداعى ۇكىمەت باسشىسى رەتىندە قىزمەت ەتۋ ۇزاقتىعى بويىنشا رەكورد ورناتقان مينيستر. ول 2012 جىلدىڭ جەلتوقسانىندا ەكىنشى رەت سايلانعاننان كەيىن، 2 799 كۇن بويى ۇزدىكسىز باسقارادى. 2019 جىلى قاراشادا ابە جاپونيانىڭ پرەمەر-ءمينيسترى رەتىندە قىزمەت ەتۋ ۇزاقتىعى بويىنشا ەل تاريحىندا ءبىرىنشى ورىنعا يە بولدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى