The Times باسىلىمىنىڭ حابارلاۋىنشا، ۇلىبريتانيا ۇكىمەتى Brexit بويىنشا كەي باپتارى حالىقارالىق قۇقىققا قايشى كەلەتىن زاڭ جوباسىن ۇسىنعان. قازىر زاڭ جوباسى قىزۋ تالقىعا تۇسكەن.
ۋەلس پەن شوتلانديا بۇل قۇجات ەلدەگى بيلىكتى ورتالىقتاندىرۋعا ارنالعان دەيدى. ەۋرووداق باسشىلىعى جاڭا زاڭ قوس تاراپ بەكىتكەن Brexit بويىنشا كەلىسىمدى، سولتۇستىك يرلانديا مارتەبەسى جونىندەگى حاتتاماعا قايشى دەپ كەسىپ ايتتى.
وسى ماسەلەگە قاتىستى پىكىر بىلدىرگەن ەۋروكوميسسيانىڭ ۆيتسە-پرەزيدەنتى ماروش شەفچوۆيچ: «ۇلىبريتانيا بيلىگىنەن ەۋرووداقتان شىعۋ كەلىسىمىن، ونىڭ ىشىندە يرلانديا جانە سولتۇستىك يرلانديا جونىندەگى حاتتامانى ۋاقىتىلى ءارى تولىعىمەن ورىندايتىنىن راستاۋىن سۇرادىم. كەلىسىم بويىنشا بىرلەسكەن كوميتەتتىڭ كەزەكتەن تىس جينالىسىن تەز ارادا وتكىزۋدى ۇسىندىم. بريتانيالىق سەرىكتەستەرىمىز وسى زاڭ جوباسى بويىنشا ساۋالدارىمىزعا جاۋاپ بەرۋى ءتيىس»، – دەيدى.
ەۋروكوميسسيا باسشىسى پىكىرىنشە، ۇلىبريتانيانىڭ ىشكى نارىقتار جونىندە جاڭا زاڭ قابىلداۋى ءوزارا سەنىمدى بۇزىپ، ەكىجاقتى ساۋدا كەلىسسوزدەردىڭ وتۋىنە جول بەرمەيدى.
بىرىككەن كورولدىكتىڭ ەۋروپالىق وداقتان ساۋدا كەلىسىمىنسىز شىعۋى بريتانيا دەنساۋلىق ساقتاۋ جۇيەسىندەگى داعدارىستىڭ شيەلەنىسۋىنە اكەلۋى مۇمكىن. بريتان ۇكىمەتى بۇعان دەيىن فارماتسەۆتيكالىق كومپانيالاردى ەۋروپالىق وداق ەلدەرىنەن كەلەتىن ءدارى-دارمەكتەر قورىن جيناقتاۋا شاقىرعان. Brexit جاعدايىندا كوروناۆيرۋستى تەستىلەۋ باعدارلاماسىندا قولدانىلاتىن كومپونەنتتەر دە بۇزىلۋى مۇمكىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟