پاندەميا الەم ەكونوميكاسىن قۇلدىراتتى

ەۋروپاداعى بىرقاتار ەلدەر پاندەميا سالدارىنان ەكونوميكالىق رەتسەسسياعا ۇشىرادى. گەرمانيا، ۇلىبريتانيا، يسپانيا، يتاليادا احۋال ناشارلاعان. بيىل ەكىنشى توقساندا اقش-تىڭ جالپى ىشكى ءونىمى وتكەن توقسانعا قاراعاندا 9,5%-عا، ەۋرووداقتا 12 %-عا تومەندەگەن.

بريتان ۇكىمەتىنىڭ بولجاۋىنشا، 2020 جىلى بيۋدجەتتىك دەفيتسيتتىڭ كولەمى رەكوردتىق 322 ميلليارد ستەرلينگ فۋنتىنا جەتپەك. ەل پرەمەر-ءمينيسترى بوريس دجونسون: «مەن بارلىق جاۋاپكەرشىلىكتى موينىما الامىن. باستىسى، ءوزىم باسشىلىق ەتكەن ۋاقىت ارالىعىندا جانە پاندەميا كەزىندە ءبىز جەتىستىككە جەتتىك. جاعىمسىز پىكىرلەرگە قاراماستان، ءبىزدىڭ بالالار مەكتەپكە بارىپ، حالىق جۇمىس ورىندارىنا قايتا ورالىپ جاتىر. ءبىز الدىمەن مەملەكەتتىك ورگانداردىڭ شىعىندارىن ازايتامىز، سالىقتى كوبەيتۋ ماسەلەسىن ودان كەيىن عانا قولعا الامىز»، – دەيدى.

يتاليانىڭ جالپى ىشكى ءونىم 12,8%-عا تومەندەسە، يسپانيا ەكونوميكاسى 18,5%-عا ازايعان. كوروناۆيرۋس ىندەتىنەن ەڭ ءبىرىنشى بولىپ ءارى ەڭ قاتتى زارداپ شەككەن دە وسى ەل. كارانتين رەجيمىنەن تۋريزم سالاسى تۇرالاپ قالدى. جاعدايدى تۇراقتاندىرۋ ءۇشىن ۇكىمەت ەۋرووداق قورىنان 140 ملرد ەۋرو مولشەرىندە قارجىلاي كومەك الماق نيەتتە. بۇل سوما ايماقتا جاڭا جۇمىس ورىندارىن اشىپ، جەرگىلىكتى كاسىپورىندارعا دەمەۋ كورسەتۋ ءۇشىن جۇمسالادى.

"The Qazaq Times"