جاپونيا پرەمەر-ءمينيسترى سيندزو ابە دەنساۋلىعىنىڭ ناشارلاۋىنا بايلانىستى وتستاۆكاعا كەتۋ تۋرالى شەشىم قابىلدادى. ابەنىڭ ءوزى بۇل تۋرالى بۇگىن جەرگىلىكتى ۋاقىت بويىنشا ساعات 17:00-دە وتەتىن ارنايى ءباسپاسوز كونفەرەنتسياسىندا جاريالاماق.
ۆۆس اگەنتتىگىنىڭ مالىمەتىنشە، ابە باسقارۋشى بلوكقا وتستاۆكاعا كەتۋ تۋرالى شەشىم قابىلداعانىن ايتقان.
وتستاۆكادان كەيىن ەلدەگى بيلەۋشى ليبەرال-دەموكراتيالىق پارتيا (LDP) پارلامەنتتە جاڭا پرەمەر-ءمينيستردىڭ كانديداتۋراسىن ماقۇلداۋى كەرەك. قازىرگى ۋاقىتتا LDP جانە ونىڭ وداقتاستارىنىڭ كوپشىلىگى ۇلتتىق پارلامەنتتىڭ ەكى پالاتاسىندا دا بار، بۇل جاڭا ۇكىمەت باسشىسىنىڭ كانديداتۋراسىن وپپوزيتسياعا ەشقانداي كەدەرگى كەلتىرمەستەن بەكىتۋگە مۇمكىندىك بەرەدى.
سوڭعى ەكى اپتادا جاپونيا پرەمەر-ءمينيسترىنىڭ دەنساۋلىعى ناشارلاعان. تامىزدىڭ باسىندا جاپوندىق Flash اپتالىعىندا 6 شىلدەدە ابە ءوزىنىڭ جۇمىس كابينەتىندە قان قۇسىپ، اۋىر جاعدايدا بولعانى ايتىلدى. ال ابەنىڭ ءوزى جۋرناليستەرگە ءوزىن جاقسى سەزىنەتىنىن ايتقان.
2007 جىلى جاپون مينيسترلەر كابينەتىنىڭ باسشىسى ىشەك اۋرۋىنا بايلانىستى وتستاۆكاعا كەتكەن بولاتىن.
سيندزو ابە – جاپونيا تاريحىنداعى ۇكىمەت باسشىسى رەتىندە قىزمەت ەتۋ ۇزاقتىعى بويىنشا رەكورد ورناتقان مينيستر. ول 2012 جىلدىڭ جەلتوقسانىندا ەكىنشى رەت سايلانعاننان كەيىن، 2 799 كۇن بويى ۇزدىكسىز باسقارادى. 2019 جىلى قاراشادا ابە جاپونيانىڭ پرەمەر-ءمينيسترى رەتىندە قىزمەت ەتۋ ۇزاقتىعى بويىنشا ەل تاريحىندا ءبىرىنشى ورىنعا يە بولدى.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟