پۋتين ترامپتى حالىقتاردىڭ ەگەمەندىگىن ءبۇلدىرۋشى دەدى

بۇگىن رەسەي پرەزيدەنتى ۆلاديمير ءپۋتيننىڭ ءباسپاسوز حاتشىسى اقپارات قۇرالدارىنا، پرەزيدەنت پۋتين اقش-تىڭ ءسۇريا ۇكىمەتىنىڭ اسكەري بازاسىنا جاساعان شابۋىلى حالىقارالىق كەلىسىمدى بۇزۋمەن بىرگە، حالىقتاردىڭ ەگەمەندىگىن اياقاستى ەتۋ دەپ بىلەتىنىن ءمالىم ەتتى. بۇل تۋرالى "The Wall Street Journal" ينتەرفاكس اگەنتتىگىنە سىلتەمە جاساي وتىرىپ حابارلايدى.

رەسەيدىڭ ينتەرفاكس اگەنتتىگى حابارىندا كرەمل ءباسپاسوز حاتشىسى دميتري پەسكوۆ: «ۋاشينگتون (ۆاشينگتون) جاعىنان جاسالعان بۇل ءىس-ارەكەت رەسەي-اقش قارىم-قاتىناسىنا ايتارلىقتاي كەرى اسەرىن بەرەدى»، – دەگەن پىكىر بىلدىرگەن. ول تاعى: «پرەزيدەنت پۋتين بولسا، اقش-تىڭ بۇل ارەكەتىن يراكتاعى زارداپ شەككەن تۇرعىنداردىڭ اسەرىن ۇمىتتىرۋ ءۇشىن وسىلاي ىستەدى دەپ ەسەپتەيدى. سونىمەن قاتار، بۇل ارەكەتى اقش-تىڭ حالىقارالىق تەرروريزمگە قارسى تۇرۋداعى ۇپايىن تۇگەندەمەيدى. كەرىسىنشە، حالىقارالىق لاڭكەستىككە قارسى تۇرۋ سەلبەستىكتەرىنىڭ ارەكەتىنە كەدەرگىلىك جاساپ وتىرعانى دەپ باعالايدى»، – دەدى.

“The Qazaq Times”