بريتان ارمياسى تانكتەردەن باس تارتۋى مۇمكىن

ءبىز ارميالاردى جويعىش ۇشاقتارمەن، اۋىر ارتيللەريالارمەن، مۇزداي قارۋلانعان ساربازدارمەن جانە قۋاتتى ءارى ساۋىتتى تانكتەرمەن ەلەستەتۋگە داعدىلانعانبىز. الايدا، بريتاننىڭ جوعارى اسكەري شەندىلەرى قارۋلى كۇشتەرىندەگى تانكتەردەن باس تارتىپ، ونىڭ ورنىنا جاڭا تەحنولوگيالارعا باسىمدىق بەرەتىنى ءمالىم بولدى. بريتان ارمياسىنداعى بۇنداي رەفورما تۋرالى Times باسىلىمى جاريا ەتكەن.

كوروناۆيرۋس پاندەمياسى بريتانيانىڭ بيۋدجەتتىك قاراجاتتارىنا كوپ اسەر ەتتى. ۇكىمەتتە قورعانىس شىعىندارىن قىسقارتۋ تۋرالى تالقىلار دا كوبەيدى. بريتانيا پارلامەنتىنىڭ تاپسىرماسى بويىنشا ارنايى ماماندار مەن اسكەري شەندىلەر ناقتى قايسى باعىتتا قاراجاتتى قىسقارتۋ كەرەك ەكەنىن انىقتاۋى ءتيىس.

بريتان ۇكىمەتى قازىرشە بۇل جوسپار تۋرالى ەشقانداي مالىمەت بەرگەن جوق. جوبا تەك جوعارى اسكەري شەندىلەر اراسىندا جابىق ەسىكتە تالقىلانۋدا. دەگەنمەن، بۇعان دەيىن دە بريتان بيلىگى بىرنەشە رەت تانكتەردى ەسكىرگەن تەحنيكا قاتارىنا جاتقىزعانى بار. دەمەك، ەل ارمياسى اۋىر ءارى ەبەدەيسىز تانكتەرگە جۇمسالاتىن شىعىنداردى قىسقارتۋى بەك مۇمكىن.

بريتان ارمياسىنان بۇرىن تانكتەردەن اقش-تىڭ تەڭىز كۇشتەرىنىڭ كورپۋسى باس تارتقان ەدى. سەبەبى، ەكسپەرتتەردىڭ ايتۋىنشا ەگەر قىتايمەن سوعىس بولىپ جاتسا بۇل تانك كۇشتەرىنەن كورى جىلدامدىق ماڭىزدى بولماق.

“The Qazaq Times”