اقش-پەن قاتار بريتانيا دا ۋكرايناعا الىستان سوققى بەرەتىن قارۋلار جەتكىزبەك. اعىلشىن مەملەكەتىنىڭ قورعانىس ءمينيسترى بەن ۋوللەستين ۋكرايناعا م270 رەاكتيۆتى جۇيەسىن بەرەتىندەرىن جەتكىزدى. بۇل ونسىز دا ناشار كۇيدەگى اعىلشىن-ورىس مامىلەسىن ءتىپتى دە شيەلەنىستىرىپ جىبەرۋى مۇمكىن. بۇنىڭ الدىندا اقش تا ۋكرايناعا الىس ارالىقتى سوققى بەرۋشى زىمىران قارۋلارىن بەرگەن بولاتىن.
بريتانيا بەرەتىن م270 رەاكتيۆتى جۇيەسى رەسەيدىڭ اگرەسسيالىق ارەكەتتەرىنەن قورعانۋدا ۋكرايناعا زور قولعابىس ەتەتىنىن ۋوللەستين مالىمدەمەسىندە ايتقان ەدى. الايدا، اتالمىش قارۋدان قانشاۋى ۋكرايناعا جەتكىزىلەرى انىق ەمەس. BBC ءوز اقپارات كوزدەرىنە سۇينە وتىرىپ العاشقى ادىمدا 3 دانا M270 جۇيەسى جەتكىزىلەتىنىن جازدى.
اتالمىش رەاكتيۆتى سوققى جۇيەسى 80 شاقىرىم الىسقا دەيىنگى نىساناعا ءدال سوققى جىبەرە الادى. ءبىر رەتتە 12 زىمىران ۇشىرۋعا قابىلەتتى. بۇنداي الىس جانە ءدال سوققى جاسايتىن ارتيللەريا قازىرگى ۋكراينا ارمياسىندا كەم دە كەم.
سوڭعى ۋاقىتتا رەسەي دونباسس ايماعىندا بىرقاتار جەتىستىككە جەتكەندەي بولدى. سەۆەرودونەتسك قالاسىن يەلەۋدە رەسەي ءوزىنىڭ اۋىر ارتيللەرياسىنىڭ كۇشىنە كوبىرەك سۇيەنگەنىن اسكەري ەكسپەرتتەر ايتىپ جاتىر. ال، باتىس ەلدەرىنىڭ ۋكرايناعا الىس ارالىقتى سوققى بەرۋشى قارۋلارىن بەرۋىن ماسكەۋ ەلەمەي قالعان جوق. وتكەن اپتادا عانا پۋتين باتىس ەلدەرى مۇنداي الىستان سوققى بەرۋگە قابىلەتتى قارۋلار بەرەتىن بولسا، وندا رەسەي سوققى نىساندارىن كەڭەيتەتىن بولادى دەپ قورقىتتى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى