ددسۇ: پاندەميا قاشان اياقتالادى؟

كوروناۆيرۋس پاندەمياسى كەمىندە ەكى جىلدىڭ ىشىندە اياقتالادى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس حابارلادى.

بۇعان دەيىن ددسۇ كوروناۆيرۋستىڭ مۋتاتسياعا ۇشىراۋىن انىقتايتىن ارنايى جۇمىس توبىن قۇرعان. ۇيىم وكىلدەرىنىڭ ايتۋىنشا، ۆيرۋسقا جاپپاي ۆاكتسيناتسيالاۋ توسقاۋىل بولادى.

ددسۇ ساراپشىسى ماريا ۆان كەركحوۆە: «ينفەكتسيانىڭ جاس ەرەكشەلىگىنە بايلانىستى تارالۋىن انىقتايتىن زەرتتەۋلەر جۇرگىزىلدى. مىسالى، 5 پەن 10 جاسقا دەيىن جانە جەتكىنشەكتەر مەن ورتا جاستاعى  ادامدار تەكسەرىلدى. بۇل جۇمىستار ءالى دە جالعاسىپ جاتىر. ناتيجەسىندە ۆيرۋس ادامداردىڭ جاس ەرەكشەلىگىنە بايلانىستى ءار ءتۇرلى تارالاتىن كورىنەدى»، – دەيدى.

1918 جىلى الەمدى جايلاعان يسپان تۇماۋى ەكى جىلدان كەيىن سايابىرلاي باستاعان. ءدال وسى مىسالدى نەگىزگە العان ددسۇ كوروناۆيرۋستىڭ تارالۋ مەرزىمى دە وسىنداي شامادا بولادى دەيدى.

ءدال قازىر الەمدە COVID-19 كوروناۆيرۋسىن 23,1 ميلليون ادام جۇقتىرعان. قايتىس بولعاندار سانى 803 مىڭنان استى. وسى ايدا ددسۇ-نىڭ پاندەمياعا بايلانىستى توتەنشە جاعداي جاريالاعانىنا جارتى جىل تولدى. ۇيىم وكىلدەرىنىڭ زەرتتەۋىنشە، «COVID-19 الەمدەگى ەڭ قيىن توتەنشە جاعداي».

"The Qazaq Times"