ەۋروپالىق وداق قۇرامىنداعى ەلدەر الەكسەي ناۆالنىيدىڭ ۋلانۋىنا بايلانىستى رەسەيگە سانكتسيا ەنگىزۋ تۋرالى شەشىمگە كەلدى. بۇل تۋرالى ليۋكسەمبۋرگتە وتكەن ەۋرووداق ەلدەرى سىرتقى مينيسترلەر كەڭەسىنىڭ ماجىلىسىندە حابارلاندى.
Politico مالىمەتىنشە، قاتاڭ قاۋلى رەسەيلىك بىرنەشە جەكە تۇلعا مەن مەكەمەلەرگە قارسى قابىلداناتىن بولدى.
وسى ماسەلەگە قاتىستى مالىمدەمە جاساعان گەرمانيا سىرتقى ىستەر ءمينيسترى: حايكو مااس: «حيميالىق قارۋعا تىيىم سالۋ كونۆەنتسياسىنىڭ بۇزىلعانى انىق. سول سەبەپتى ءتيىستى شارالاردى قولعا الۋ قاجەت. سوندىقتان فرانتسيا مەن گەرمانيا بۇل ىسكە قاتىستى نازارىمىزعا ىلىككەن كەيبىر تۇلعاعا قارسى سانكتسيا قابىلداۋدى ۇسىندى»، – دەدى.
20 تامىز تومسك قالاسىنان ماسكەۋگە بەت العان وپپوزيتسيونەر ساياساتكەر الەكسەي ناۆالنىي بورتتا جاعدايى ناشارلاپ، ۇشاق دەرەۋ ومبى قالاسىنا قونۋعا تۋرا كەلگەن. كەيىن جەدەل جاردەممەن وپپوزيتسيونەردى ومبىداعى اۋرۋحاناعا جەتكىزگەن. كەيىن گەرمانيا ناۆالنىيدى بەرليندەگى اۋرۋحاناعا اكەتۋ ءۇشىن ارنايى ساناۆياتسيا جىبەرگەن. باستاپقىدا ومبى دارىگەرلەرى ناۆالنىيدى ورنىنان قوزعاۋعا بولمايدى دەپ ونى گەرمانياعا جىبەرۋدەن باس تارتقان. كەيىن ومبىلىق دارىلەرلەر ناۆالنىيدى اۋرۋحانادان اكەتۋگە رۇقسات بەرىپ، ناۆالنىي 22 تامىزدا بەرلينگە جەتكىزىلدى.
كەيىننەن وپپوزيتسيونەردىڭ «نوۆيچوك» حيميالىق قارۋىنان ۋلانعانى دالەلدەنگەن سوڭ، گەرمانيا مەن ەۋرووداق قۇرامىنداعى وزگە دە مەملەكەتتەر رەسەيگە ەكونوميكالىق سانكتسيا ەنگىزۋ ماسەلەسىن تالقىلاعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟