فوتو: ۆۆس

جاقىندا كوروناۆيرۋس پاندەمياسىنىڭ بۇگىنى مەن ەرتەڭى جايلى حالىقارالىق عالىمدار جيىنى ءوتتى. ونلاين رەجيمىندە كورەيا، اقش، ۇلىبريتانيا جانە گەرمانيا عالىمدارى پىكىر الماستى. جيىن ناتيجەسىندە بيلل گەيتس قورىنىڭ قولداۋىمەن وڭتۇستىك كورەيادا ۆيرۋستاردى ەرتە ساتىسىندا انىقتاپ، جويا الاتىن قۇرىلعى ءوندىرۋ تۋرالى شەشىمگە كەلدى.

اتالعان شارادا عالىمدار الەمدى جاۋلاعان ۆيرۋستىڭ قانشا ۋاقىتقا سوزىلاتىنى جايلى گيپوتەزالار ۇسىندى. كورەيا ۋنيۆەرسيتەتىنىڭ پروفەسسورى كيم ۆۋ دجۋدىڭ ايتۋىنشا، پاندەميا تاعى 2 جىل جالعاسادى دەپ بولجايدى. سەبەبى ادامدار كوروناۆيرۋستىڭ الدىن الۋدىڭ نەگىزگى ەرەجەلەرىن ساقتامايتىنىن ايتادى.

ول سوزىندە: «باياعىدا ادامدار دجۋنگلي مەن ورماندى جويىپ، جابايى جانۋارلاردى جەپ، جاڭا اۋرۋلاردى تۋدىردى. SARS ۆيرۋسى قىتايدىڭ وڭتۇستىگىندە جابايى مىسىقتاردى تۇتىنعان كەزدە پايدا بولدى. باتىس افريكادا جارقانات ۇستالعان كەزدە ەبولا ۆيرۋسى انىقتالدى. قازىرگى كوروناۆيرۋس ۋحانداعى جابايى تابيعات بازارىنداعى جارقاناتتان باستالدى. ادامزات جابايى جانۋارلاردى پايدالانۋ ارقىلى تۇرلى اۋرۋلار تارادى. ەندى ونىڭ الدىن الۋ ءۇشىن بارشا ادامزات «ءبىر دەنساۋلىق» قاعيداسىن ساقتاۋ قاجەت. ياعني ادام بالاسى، تابيعات پەن جانۋارلار بىرگە ۇيلەسىمدى ءومىر ءسۇرۋى قاجەت»، - دەپ مالىمدەدى.

سوڭعى مالىمەتتەر بويىنشا، الەمدە 16 ميلليونعا جۋىق ادام COVID-19 كوروناۆيرۋسىن جۇقتىرعان. قايتىس بولعاندار سانى 643 مىڭنان استى. 9,2 ميلليوننان استام ادام جازىلدى. كوروناۆيرۋس جايلى قاڭتاردىڭ باسىندا بەلگىلى بولدى. ونى العاش جۇقتىرعاندار قىتايدىڭ حۋبەي پروۆينتسياسىنىڭ ۋحان قالاسىندا تىركەلدى. دۇنيەجۇزىلىك دەنساۋلىق ساقتاۋ ۇيىمى قىتايدان تاراعان بۇل ۆيرۋستى پاندەميا دەپ جاريالاعان.

"The Qazaq Times"