ەۋروپارلامەنت كوروناۆيرۋس پاندەمياسىنان زارداپ شەككەن ەۋرووداق ەلدەرى ەكونوميكاسىن قالپىنا كەلتىرۋ تۋرالى رەزليۋتسيانى بەكىتتى.
ەۋروپالىق كەڭەس توراعاسى شارل ميشەلدىڭ ايتۋىنشا، شامامەن ەكى ايدىڭ ىشىندە 1,8 تريلليون ەۋرو بولاتىن كەلىسىمگە قول قويىلعان. اتالعان قۇجات وداققا مۇشە مەملەكەتتەر باسشىسى 5 كۇن بويى تالقىلاعان سامميتتە قابىلدانعان.
ەۋروپالىق پارلامەنتتە رەزوليۋتسيانى 465 دەپۋتات قولداسا، 150 دەپۋتات قارسى داۋىس بەردى. 67-ءسى قالىس قالدى. بۇل جولى بەكىتىلگەن جوسپاردا بىرنەشە وزگەرىستەر بار: دەنساۋلىق ساقتاۋ سالاسى، زەرتتەۋ مەن ءبىلىم بەرۋ باعدارلامالارى، كليماتتى قورعاۋ، ىشكى جانە سىرتقى كوشى-قون ساياساتىنا قارجىلاندىرۋ كولەمى قىسقارتىلعان.
جيىندا كوروناۆيرۋس پاندەمياسى سالدارىنان تۋىنداعان ەكونوميكالىق تىعىرىقتان شىعۋ ماسەلەسى دە قىزۋ تالقىلاندى. جەڭىلدەتىلگەن نەسيە تۇرىندە بەرىلەتىن قارجى كولەمى 360 ميلليارد ەۋروعا دەيىن ۇلعايتىلدى. بۇل سومانى وداق حالىقارالىق بانكتەر مەن قارجى ۇيىمدارىنان قارىزعا الماق. ونىڭ باسىم بولىگى الداعى 2 جىلدا جۇمسالۋى ءتيىس. بۇعان دەيىن پاندەميا كەزىندە ەكونوميكالىق داعدارىستى الدىن الۋ ماقساتىندا ەۋرووداق ەلدەرى سامميت وتكىزگەن. ءۇش كۇنگە سوزىلعان جيىندا تاراپتار كەزەكتى مارتە ورتاق كەلىسىمگە كەلە الماي، سامميت ناتيجەسىز اياقتالعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى