كوروناۆيرۋس پاندەمياسىنان كەيىنگى الەم ستسەناريى قانداي بولماق؟ بۇۇ باس حاتشىسى انتونيۋ گۋتەرريش شۆەدتىك Aftonbladet باسىلىمىندا كوروناۆيرۋس پاندەمياسىنان كەيىن الەمدى كۇتەتىن ەكى ستسەناري تۋرالى ايتتى.

ءبىرىنشىسى، «وپتيميستىك» ستسەناري – الەم ەلدەرىنىڭ قازىرگى جاعدايدى جەڭە الاتىندىعىن بىلدىرەدى. سولتۇستىك مەملەكەتتەر قالپىنا كەلتىرۋ جوسپارىن جاسايدى، ال دامىپ كەلە جاتقان ەلدەرگە كومەك كورسەتىلەدى. گۋتەرريش كوروناۆيرۋسقا قارسى ۆاكتسينا توعىز اي ىشىندە پايدا بولىپ، بارىنە قولجەتىمدى بولادى دەگەن ءۇمىت ءبىلدىردى. ونىڭ پىكىرىنشە، ەگەر الەمدەگى جاعدايلار وسى باعىتتا دامىپ، ەكونوميكا قالپىنا كەلسە، وندا الەم ەكى-ءۇش جىل ىشىندە قالىپتى جاعدايعا ورالۋ باعىتىندا جۇمىس جۇرگىزە باستايدى.

ەگەر الەم ەلدەرى پاندەمياعا قارسى ءىس-قيمىلداردى دۇرىس ۇيلەستىرمەسە، پاندەميادان كەيىنگى ءومىر «پەسسيميستىك» ستسەناري بويىنشا ءوربۋى مۇمكىن. مۇنداي جاعدايدا ۆيرۋستىڭ جاڭا وشاقتارى پايدا بولىپ، دامۋشى ەلدەردەگى جاعداي ناشارلايدى. ۆاكتسينا بويىنشا جۇمىستار دا كەشىكتىرىلۋى نەمەسە ول ءۇشىن ۇلكەن باسەكەلەستىك باستالىپ، ەكونوميكالىق مۇمكىندىكتەرى بار ەلدەردىڭ ازۋىندا كەتۋى مۇمكىن. ماقالادا جاھاندىق قيىندىقتاردى تەك جاھاندىق باسقارۋدىڭ كۇشتى ينستيتۋتتارىنىڭ جانە حالىقارالىق ىنتىماقتاستىقتىڭ كومەگىمەن عانا جەڭۋگە بولادى دەلىنگەن.

دەمەك، ەكىنشى ستسەناري ورىندالسا، سەگرەگاتسيا، پوپۋليزم جانە كسەنوفوبيا بۇرىنعىدان ءورشيدى.

"The Qazaq Times"