الەۋمەتتىك جەلىلەر مەن مەسسەندجەرلەردە بۇگىن تۇنگى ساعات 2:00-دە اۋاعا زياندى زات شاشىلادى دەگەن سىڭايدا اقپارات تاراپ جاتىر. دەنساۋلىق ساقتاۋ مينيسترلىگى بۇل اقپاراتتىڭ شىندىققا جاناسپايتىنىن رەسمي تۇردە ءمالىم ەتتى.

كوپشىلىك اراسىندا تاراعان نەگىزسىز حابارلامادا «بۇگىن ساعات تۇنگى 2-دە اۋاعا بىردەڭە شاشادى، بۇل جولى كىشكەنتاي بالالارعا اسەر ەتەتىن نارسە ەكەن. 3 كۇن بويى بالالارىڭىزدى دالاعا شىعارماڭىزدار» دەلىنگەن.

وسىعان بايلانىستى دەنساۋلىق ساقتاۋ مينيسترلىگى مالىمەت تاراتتى.

«قۇرمەتتى حالايىق، سىزدەردەن الەۋمەتتىك جەلىلەردە تاراپ جاتقان جالعان اقپاراتقا سەنبەي، تەك رەسمي دەرەككوزگە جۇگىنۋلەرىڭىزدى سۇرايمىز. بارلىق راستالعان اقپاراتتى قر دەنساۋلىق ساقتاۋ مينيسترلىگىنىڭ رەسمي سايتىنان جانە الەۋمەتتىك جەلىلەردەگى پاراقشالارىنان الۋعا بولادى» دەلىنگەن ۆەدومستۆونىڭ رەسمي حابارلاماسىندا.

ەرەكشە ەسكەرەر جايت، مينيسترلىك كورىنەۋ جالعان اقپارات تاراتقان ادامداردىڭ قر قك 274-بابى - «كورىنەۋ جالعان اقاپارات تاراتۋ» بويىنشا قىلمىستىق جاۋاپقا تارتىلاتىنىن ەسكەرتتى. ⠀

;feature=youtu.be

"The Qazaq Times"