جاپونيا ۇكىمەتى شىعىس قىتاي تەڭىزىندەگى سەنكاكۋ (دياويۋداو) ارالدارىن «جەكەمەنشىكتەپ العان» قىتاي بيلىگىنە نارازىلىق ءبىلدىردى. بۇل تۋرالى توكيودا وتكەن ءباسپاسوز ءماسليحاتىندا مينيسترلەر كابينەتىنىڭ باس حاتشىسى يوشيحيدە سۋگا حابارلادى.

توكيو مالىمدەمەسىندە: «سەنكاكۋ ارالدارى تاريحي جاعىنان دا، حالىقارالىق قۇقىق بويىنشا دا بىزگە تيەسىلى. قىتاي ءوز تەرريتورياسى رەتىندە جەكەمەنشىكتەپ الا المايدى. وسى رەتتە ءبىز قىتاي بيلىگىنە نارازىمىز»، – دەلىنگەن.

22 ماۋسىمدا كيودو اگەنتتىگى جاپون تەڭىز قاۋىپسىزدىگى باسقارماسىنا سىلتەمە جاساي وتىرىپ، قىتايدىڭ پاترۋلدىك كەمەلەرى سەنكاكۋ ارالدارىنا ۇزاق مەرزىمگە جىبەرىلگەنىن حابارلاعان.

1895 جىلى مپەريالىق قىتايمەن سوعىستا جەڭىسكە جەتكەن سوڭ، سەنكاكۋ ارالدارى مەن تايۋان جاپونيا قۇرامىنا قوسىلدى. ەكىنشى دۇنيەجۇزىلىك سوعىستا جەڭىلگەننەن كەيىن توكيو تايۋانعا باسشىلىق ەتۋ قۇقىعىنان باس تارتتى. رەسمي بەيجىڭ سەنكاكۋ ارالدارىن دا يەلەنگىسى كەلەدى. الايدا، جاپونيا ۇكىمەتى بۇل ارالدار سوعىس ناتيجەسىندە اننەكسيالانبادى دەيدى.

"The Qazaq Times"