ۇيعىر اۋدانىندا سوڭعى كەزدە قازاق پەن ۇيعىر جاستارى اراسىندا جانجالدار جيىلەپ كەتتى. بۇل ماسەلەگە قاتىستى وبلىس اكىمى باتالوۆ مىرزانىڭ تىكەلەي نازار اۋدارۋىن تالاپ ەتىپ سايتىمىزدا وسىدان بۇرىن دا ماتەريال جاريالانعان ەدى (مىنا سىلتەمەدەن كورە الاسىز ). اۋدانداعى قازاق ازاماتتارىمەن تىلدەسكەنىمىزدە، بۇعان دەيىن بولعان جانجالداردىڭ بارىندە جەرگىلىكتى بيلىك جىلى جاۋىپ، "قازاقتىڭ اياعى اقساپ جاتاتىنىن" ايتتى. بۇل رەتتە دە وبلىس اكىمدىگى اۋدانداعى بەس ادام جاراقات العان جانجالدى تۇرمىستىق جانجال دەپ تۇيىندەدى. كەزەكتى وقيعا تۇرمىستىق جانجال بولعانىمەن، اۋداندا قوردالانعان تامىرى تەرەڭ ماسەلەنى ەرتە جارىقتا شەشۋ كەرەك. وڭىرلىك، مەملەكەتتىك قاۋىپسىزدىك ماسەلەلەرىنە قاتىستى كۇن سايىن كۇردەلىلەنە تۇسكەن جاعدايلار بىزگە سونى ەسكەرتەدى. 

16 ماۋسىم كۇنى تۇندە بولعان جانجالدىڭ ءجاي-جاپسارىن، وڭىردەگى تۇرعىنداردىڭ پىكىرىن ءبىلىپ قايتقان ەدىك. ناتيجەسىندە ءوڭىر تۇرعىندارىنىڭ پىكىرى الۋان ءتۇرلى بولىپ شىقتى.

“The Qazaq Times”