قىرعىزستان مەن تاجىكستان ۇلتتىق قاۋىپسىزدىك كوميتەت جەتەكشىلەرى شەكارا ماسەلەسىن تۇراقتاندىرۋ بويىنشا كەلىسىمگە كەلدى. ناتيجەسى بويىنشا شەكاراداعى قوسىمشا اسكەري كۇشتەر كەرى شەگىندىرىلەدى.
وتكەن اپتادا قىرعىز بەن تاجىك ەلدەرىنىڭ اراسىندا شەكارا ماسەلەسى قايتا شيەلەنىسىپ، قاقتىعىستىڭ قايتا ءورشۋ قاۋپى كۇشەيگەن بولاتىن. جۇما كۇنى بىشكەك تاراپ مالىمدەمە جاساپ انىقتالماعان شەكارا ماڭىنا قارۋلى كۇش توپتاپ، ارانداتۋ ارەكەتىنە باردى دەپ كورشىسىن ايىپتاعان ەدى.
قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەتتىڭ جەتەكشىسى قامشىبەك تاشيەۆ وتكەن سەنبىدەگى سويلەسۋلەردىڭ ءبىرشاما ناتيجەلى بولعانىن مالىمدەدى. بۇعان دەيىن كەلىسسوزدەر ناتيجە بەرمەگەندىكتەن قىرعىز تاراپ شەكاراعا جاقىن اۋىل تۇرعىندارىن ەۆاكۋاتسيالاعان بولاتىن. بۇدان ەكى ەل ورتاسىندا شەكارا جانجالى قايتا ءورشىپ كەتە مە دەگەن قاۋىپتەنۋلەر بولىپ ەدى.
تاشيەۆ جاساعان مالىمدەمەگە قاراعاندا، تاراپتار 8 تارماقتان تۇراتىن كەلىسىمگە قول قويىسقان. ول بويىنشا شەكارا تەك شەكارا قاراۋىلدارى عانا قالىپ، قوسىمشا اسكەري كۇشتەرى شەگىندىرىلەدى. سەنبىدەن باستاپ ەۆاكۋاتسيالانعان شەكارا ماڭىنداعى اۋىل تۇرعىندارى ءوز ۇيلەرىنە قايتا باستادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر