Wyğır audanında soñğı kezde qazaq pen wyğır jastarı arasında janjaldar jiilep ketti. Bwl mäselege qatıstı oblıs äkimi Batalov mırzanıñ tikeley nazar audaruın talap etip saytımızda osıdan bwrın da material jariyalanğan edi (mına siltemeden köre alasız ). Audandağı qazaq azamattarımen tildeskenimizde, bwğan deyin bolğan janjaldardıñ bärinde jergilikti bilik jılı jauıp, "qazaqtıñ ayağı aqsap jatatının" ayttı. Bwl rette de oblıs äkimdigi audandağı bes adam jaraqat alğan janjaldı twrmıstıq janjal dep tüyindedi. Kezekti oqiğa twrmıstıq janjal bolğanımen, audanda qordalanğan tamırı tereñ mäseleni erte jarıqta şeşu kerek. Öñirlik, memlekettik qauipsizdik mäselelerine qatıstı kün sayın kürdelilene tüsken jağdaylar bizge sonı eskertedi. 

16 mausım küni tünde bolğan janjaldıñ jäy-japsarın, öñirdegi twrğındardıñ pikirin bilip qaytqan edik. Nätijesinde öñir twrğındarınıñ pikiri aluan türli bolıp şıqtı.

“The Qazaq Times”