تۇركيانىڭ ورتالىق قالاسىندا جەرگىلىكتى تۇرعىندار مەن سۇريالىق بوسقىندار اراسىندا جانجال تۋىلدى. انكارالىق ونداعان تۇرعىن سيريالىق بوسقىندارعا ءتان دۇكەندەر مەن كولىكتەردى قيراتقان. جانجال تۇركيالىق جانە سۇريالىق جاستاردىڭ ورتاسىنداعى توبەلەستەن باستالعان. توبەلەستە 18 جاستاعى تۇرىك ازاماتى پىشاق جاراقاتىنان قازا تاپقان.
الەۋمەتتىك جەلىگە تاراعان سۋرەتتەر مەن ۆيدەولاردان ايعاي-سۇرەنمەن قوستاعان جەرگىلىكتى تۇرعىنداردىڭ پوليتسيا قورشاۋىن بۇزىپ ءوتىپ، كولىكتەر مەن دۇكەندەردى قيراتقانى كورىنەدى. كەيبىر دۇكەندەر مەن ۇيلەردىڭ تەرەزەلەرىنە تاس لاقتىرىپ جاتقانىن دا كورۋگە بولادى.
«رەيتەردىڭ» حابارىنا قاراعاندا پوليتسيا جانجالدى توقتاتۋ ءۇشىن اۋەگە وق اتقان. جاپپاي تارتىپسىزدىككە قاتىسقان 76 ادام قاماۋعا الىنعان. انكارانىڭ جانجال بولعان التىنداگ اۋدانىندا دۇكەندەر جابىلىپ، ارنايى كۇزەت توبى قويىلعان.
تۇركيادا ءسۇريادان بارعان 3,7 ميلليوننان استام بوسقىن ءومىر سۇرەدى. ولاردىڭ تەك 10 پايىزى عانا ەلدىڭ وڭتۇستىك شىعىسىنداعى ارنايى لاگەرلەردە تۇرادى. ال، قالعانى ءوز بەتىنشە ەلدىڭ ءار ءوڭىرىن مەكەندەپ كەتكەن.
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ