قىرعىزستاننىڭ ەكس-پرەزيدەنتى المازبەك اتامباەۆ پەن بۇرىنعى پرەمەر-ءمينيسترى ساپار يساكوۆ. فوتو: https://sputnik.kg

قىرعىزستاننىڭ بۇرىنعى پرەمەر-ءمينيسترى ساپار يساكوۆ 18 جىلعا باس بوستاندىعىنان ايىرىلدى. بۇل تۋرالى اكيpress حابارلادى.

9 ماۋسىمدا بىشكەكتىڭ پەرۆوماي اۋداندىق سوتى بۇرىنعى پرەمەر-مينيستر ساپار يساكوۆتى ۇلتتىق تاريحي مۇراجايدى جوندەۋگە جانە چولپون-اتاداعى يپپودرومدى قايتا جاڭارتۋعا بايلانىستى قىلمىستىق ءىس بويىنشا 18 جىلعا باس بوستاندىعىنان ايىردى.

ءىستى قاراعان سۋديا مارات سىدىقوۆتىڭ ايتۋىنشا، يساكوۆ قىلمىستىق كودەكستىڭ 319-بابى («سىبايلاس جەمقورلىق») بويىنشا كىنالى دەپ تانىلعان. سونىمەن قاتار ول مەملەكەتكە 247 ميلليون 650 مىڭ 281 سوم تولەۋى ءتيىس.

سوت شەشىمىمەن بەيبىتشىلىك پرەزيدەنتى اپپاراتىنىڭ ازاماتتىق دامۋ، ءدىني جانە ۇلتتىق ساياسات ءبولىمىنىڭ بۇرىنعى باسشىسى قارىباەۆا 320-باپ بويىنشا كىنالى دەپ تانىلىپ، 260 مىڭ سوم ايىپپۇل سالىندى.

4 ماۋسىمدا وتكەن وتىرىستا پروكۋراتۋرا ساپار يساكوۆتى 20 جىلعا باس بوستاندىعىنان ايىرىپ، 247 ميلليون سوم كولەمىندە ايىپپۇلدى ءوندىرۋ تۋرالى شەشىمگە كەلگەن. قازىر ەكى شەندىنىڭ ادۆوكاتتارى بىشكەك قالالىق سوتىنا پەرۆوماي اۋداندىق سوتىنىڭ ۇكىمىنە قارسى اپەللياتسيالىق شاعىم بەردى.

"The Qazaq Times"