دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋستىڭ مالىمدەۋىنشە، الەمدە كوروناۆيرۋستىڭ تارالۋى قايتا كۇشەيىپ كەلەدى.

Bloomberg سايتىندا كورسەتىلگەندەي، سوڭعى 10 كۇندە الەمدە دەرتتى جۇقتىرعانداردىڭ سانى تاۋلىگىنە 100 مىڭنان اسقان. ىندەتتى جۇقتىرۋ دەرەگىنىڭ كوبى امەريكا، وڭتۇستىك ازيا ءجان افريكادا تىركەلىپ وتىر. شىعىس ەۋروپا مەن ورتالىق ازيادا دا ناۋقاستاردىڭ قاتارى كوبەيە تۇسكەن. ددسۇ باسشىسى مالىمدەمەسىندە: «ءبىز الەمدە شەرۋلەرگە قاتىسىپ جاتقان ازاماتتاردان ساقتىق شارالارىن بارىنشا ۇستانۋدى سۇرايمىز. ادامدار اراسىنداعى اراقاشىقتىق ءبىر مەتردەن كەم بولماسىن. مەديتسينالىق بەتپەردە تاعىپ، قولدارىڭىزدى ءجيى-ءجيى تازالاپ تۇرىڭىزدار. ال اۋىرعان ادامداردى ۇيدەن شىقپاي، ەمدەلۋگە شاقىرامىز»، – دەيدى. سول سەبەپتى ۇيىم باسشىسى كارانتين تالاپتارىن ساقتاپ، بوساڭسىماۋ كەرەكتىگىن ەسكەرتتى.

قازىر الەمدە 7 ميليوننان استام ادام دەرتكە شالدىققان. ناۋقاس سانى بويىنشا انتيرەكورد ورناتقان ەلدەر قاتارىندا اقش، لاتىن امەريكاسى ەلدەرى، ۇلىبريتانيا، رەسەي كوش باستاپ تۇر.

"The Qazaq Times"