كارانتين تالاپتارى جەڭىلدەتىلگەن ءازىربايجاندا ۆيرۋس جۇقتىرعاندار سانى ارتتى. سول سەبەپتى ەل بيلىگى كارانتين شارالارىن قايتا كۇشەيتتى.
مينيسترلەر كابينەتى جانىنداعى جەدەل شتابتىڭ شەشىمى بويىنشا ناۋقاستار سانى كۇرت ارتقان باكۋ، سۋمگايت، گيانجا، ليانكوران قالالارى مەن اپشەرون اۋدانىنىڭ تۇرعىندارىنا سەنبى جانە جەكسەنبى كۇندەرى ۇيدەن شىعۋعا تىيىم سالىنادى. بۇل كۇندەرى بارلىق مەكەمەلەر جۇمىس ىستەمەيدى، قوعامدىق كولىك پەن اۆتوموبيلدەر جۇرمەيدى. تەك دارىگەرلەر مەن ماڭىزدى سالالاردىڭ ماماندارىنا جۇمىس ىستەۋگە رۇقسات ەتىلەدى.
ءازىربايجان پرەمەر-ءمينيسترى الي اسادوۆ: «ناۋقاستار سانى كۇرت ءوستى. وسى رەتتە ءبىز 6 جانە 8 ماۋسىم ارالىعىندا باكۋ، سۋمگايت، گيانجا، ليانكاران قالالارى مەن اپشەرون اۋدانىندا قاتاڭ كارانتين ءتارتىبىن ەنگىزەتىن بولدىق. بۇل شارالاردىڭ بارلىعى ازاماتتارىمىزدىڭ دەنساۋلىعى مەن ءومىرىن قورعاۋعا باعىتتالعان. سوندىقتان اۋرۋ ورشىسە قاتال شارالار ەلدىڭ وزگە قالالارى مەن اۋداندارىندا دا قابىلدانۋى مۇمكىن»، – دەيدى
مامىردا ازەربايجاندا كارانتين ءتارتىبى جەڭىلدەتىلگەننەن كەيىن كوروناۆيرۋستى جۇقتىرۋ سانى تىم ءوسىپ كەتتى. 3 مامىردا 325 ناۋقاس تىركەلىپ، انتيرەكورد جاڭارعان. قازىر ەلدە 6 522 كەيس تىركەلگەن. جازىلىپ شىققاندار سانى – 3 737, قايتىس بولعاندار سانى – 78.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟