اقش قىتاي ۇشاقتارىن ەلگە كىرگىزبەۋ تۋرالى شەشىم شىعاردى

قىتاي اۆياتاسىمالداۋشىلارىنىڭ اقش-قا ۇشۋىنا 16 ماۋسىمنان باستاپ تىيىم سالىنادى.

اقش ترانسپورت مينيسترلىگىنىڭ حابارلاۋىنشا، قىتاي تاراپتار اراسىنداعى كەلىسىمدى بۇزعان. سونىمەن قاتار امەريكالىق Delta جانە United Airlines اۋە كومپانيالارىنا قىتاي كوروناۆيرۋس كەزىندە ەلگە كىرۋگە رۇقسات بەرمەگەن. بەيجىڭ اتالعان كومپانيالاردىڭ 1 ماۋسىمنان باستاپ ۇشۋ جونىندە ءوتىنىشىن دە كەرى قايتارعان. سول سەبەپتى قوس كومپانيا اق ۇيگە شاعىمىن جەتكىزگەن.

رەسمي ۋاشينگتون قىتاي جولاۋشىلار اۆياكومپانيالارىنىڭ چارتەرلىك رەيستەرىنە دە شەكتەۋ ەنگىزدى. اقش-تاعى قىتاي ەلشىلىگى بۇل شەشىم جونىندە مالىمدەمە جاساعان جوق.

قازىر قۇراما شتاتتارىنا قاتىناۋعا 6 قىتايلىق اۋە كومپانياسىنىڭ رۇقساتى بار. ولار ۆيرۋس ورشىگەن كەزدە وزدەرىنىڭ وتانداستارىن قىتايعا قايتارىپ ۇلگەرگەن. بۇعان دەيىن ياعني اقپاندا بىرقاتار امەريكالىق اۋە كومپانيالارى قىتايعا ۇشاتىن پاسساجيرلىك رەيستەردى توقتاتقان بولاتىن. United Airlines باسشىلىعى امەريكانىڭ قىتايعا ەنگىزگەن شەكتەۋلەرىن قولدايتىنىن جەتكىزدى.

"The Qazaq Times"