ساۋد ارابيا ارمياسى يەمەندى مينا اتىزىنا اينالدىردى

BBC ءجۋرناليستىنىڭ سۇراعىنا جاۋاپ بەرگەن ساۋ ارابيا قورعانىس مينيسترلىگىنىڭ وكىلى يەمەندە حالىقارالىق تيىم سالىنعان مينالاردى قولدانعانىن مويىندادى. بۇل تۋرالى يراننىڭ «پارس.اقپارات» اگەنتتىگى حابارلاپ وتىر.

وسىدان بۇرىن حالىقارالىق ۇيىمدار ساۋد ارابيا ارمياسىنىڭ يەمەندە اسكەري ەمەس كوپتەگەن ازاماتتاردىڭ ولىمىنە سەبەپكەر بولعان، قولدانۋعا تيىم سالىنعان جارىلعىش مينانى پايدالانعانىن ايتىپ ايىپتاعان بولاتىن. الايدا ساۋد اريمسى بۇل ايىپتى تەرىسكە شىعارىپ كەلگەن. ساۋد ارابياسىنىڭ قورعانىس مينيسترلىگىنىڭ وكىلى BBC ارناسىنا بەرگەن جاۋابىندا «جارىلعىش مينالار حيميالىق قارۋ ەمەس، الەمدەگى كوپتەگەن ەلدەردىڭ ارمياسى قولداناتىن قارۋدىڭ ءبىرى»، – دەپ جاۋاپ بەردى.

ساۋد ارمياسىنىڭ يەمەندەگى ارەكەتتەرىنەن جانە ەكونوميكالىق قىسپاعىنان يەمەندەگى 20 ملن-عا تارتا حالىقتىڭ تىكەلەي گۋمانيتارلىق كومەككە ءزارۋ بولىپ وتىرعانى الەمگە بەلگىلى بولدى. ال ساۋد ارابيا قارۋلى كۇشتەرى قولدانعان شەكتەۋ سالىنعان مينالاردى قولداندى دەگەن ايىپ، يەمەندە تابىلعان وسى تەكتى جارىلماي قالعان مينالاردىڭ تابىلعانىنان كەيىن قويىلعان ەدى. حالىقارالىق ۇيىمدار ساۋد ارابيا قارۋلى كۇشتەرىن يەمەندى «مينا اتىزىنا» اينالدىردى دەپ ايىپتاعان بولاتىن.

“The Qazaq Times”