پەنتاگون اقش-تاعى قاقتىعىستاردى باسۋ ءۇشىن ۋاشينگتونعا 1,6 مىڭ اسكەر جىبەردى. بۇل تۋرالى Politico امەريكا قورعانىس ۆەدومستۆوسىنىڭ رەسمي وكىلى دجوناتان حوففمانعا سىلتەمە جاساپ حابارلادى.
«تۇراقتى اسكەرلەر ساربازدارى ۋاشينگتون اگلومەراتسياسىندا اسكەري بازالاردا ورنالاسقان، بىراق ۋاشينگتوندا ەمەس»، – دەيدى حوففمان. پەنتاگون وكىلى اسكەرلەر «جوعارى دايىندىق جاعدايىندا» ەكەنىن، بىراق بيلىككە كومەكتەسپەيتىنىن اتاپ ءوتتى.
وتكەن اپتادان بەرى اقش-تىڭ ونداعان قالاسىندا ناسىلشىلدىككە قارسى نارازىلىق شەرۋلەرى ءوتىپ جاتىر. نارازىلىق ميننەسوتا شتاتى ميننەاپوليس قالاسىنىڭ تۇرعىنى دجوردج فلويد 25 مامىردا پوليتسيا قولىنان قازا تاپقاننان كەيىن باستالدى. دۇكەن كاسسيرى مارقۇم جالعان بانكنوتپەن ەسەپ ايىرىسپاق بولدى دەگەن ۋاجبەن پوليتسيا شاقىرادى. ارتىنشا وقيعا ورنىنا كەلگەن ءتارتىپ ساقشىلارى كۇدىكتىنىڭ قولىنا كىسەن سالعاننان كەيىن وفيتسەرلەردىڭ ءبىرى ونىڭ جەلكەسىن اياعىمەن 7 مينۋتتاي باسىپ تۇرعان. داۋىسى قارلىققان افروامەريكالىق ءوزىنىڭ دەم الا الماي جاتقانىن ايتادى، بىراق وعان پوليتسەيلەر قۇلاق اسپاعان. وسىدان كەيىن «مەن تۇنشىعىپ قالدىم!» تىركەسى شەرۋدىڭ باستى ۇرانىنا اينالدى.
ەلدەگى تارتىپسىزدىكتى باسۋ ماقساتىندا ترامپ ايماقتارعا ۇلتتىق گۆارديانى جىبەردى. سونىمەن قاتار 40 قالادا، ونىڭ ىشىندە ۋاشينگتون مەن نيۋ-يوركتە كومەندانتتىق ساعات ەنگىزىلدى. ا
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ