ارمەنيا پرەمەر-ءمينيسترى نيكول پاشينيان كوروناۆيرۋسقا شالدىقتى. بۇل تۋرالى ول ءوزىنىڭ Facebook-تەگى پاراقشاسىندا جازدى.
پاشينيان وسى اپتادا اسكەري بولىمدەرگە ءىسساپار جوسپارلاعاندىقتان، ۆيرۋسقا تەست تاپسىرۋدى ءجون كورگەن. اۋرۋدىڭ بەلگىلەرى انىقتالماسا دا، پرەمەر-مينيستر تاپسىرعان تەست وڭ ناتيجە كورسەتكەن. پاشينياننىڭ وتباسى مۇشەلەرى دە كوروناۆيرۋسقا شالدىققانى انىقتالدى.
وتكەن اپتادا ەل پرەمەر-ءمينيسترى كوروناۆيرۋستىڭ ەكىنشى تولقىنى باستالاتىنىن ايتقان. جۋرناليستەرگە وتكىزىلگەن بريفينگ بارىسىندا پاشينيان: «ەلدە كوروناۆيرۋستىڭ ەكىنشى تولقىنى باستالدى. بىرنەشە كۇن بويى كومەنداتۋرامەن بەكىتىلگەن ەرەجەلەر قالىپتاسقان احۋالعا قانشالىقتى سايكەس كەلەتىنىن تالقىلاپ كەلەمىز. بىرنەشە ۋاقىت ارالىعىندا قابىلدانعان شەكتەۋلەر ءتيىمدى. دەگەنمەن وسى شەكتەۋلەردى، ەرەجەلەردى ساقتاۋ جاعىنان ماسەلەلەر كوپ تۋىنداپ وتىر»، – دەدى.
كوروناۆيرۋس پاندەمياسىنىڭ ورشۋىنە بايلانىستى ارمەنيادا 16 ناۋرىزدان باستاپ توتەنشە جاعداي رەجيمى ەنگىزىلگەن بولاتىن. 25 مامىردان باستاپ حالىق ماسكا تاعىپ ءجۇرۋ رەجيمىنە كوشتى. تەك جابىق ورىنداردا عانا ەمەس، اشىق جانە قوعامدىق جەرلەردە ماسكا تاعۋ مىندەتتەلدى. دجون حوپكينس ۋنيۆەرسيتەتىنىڭ مالىمەتتەرى بويىنشا، ارمەنيادا قازىرگى ۋاقىتتا كوروناۆيرۋستىڭ 9 282 جاعدايى تىركەلگەن.
بۇعان دەيىن بريتانيا پرەمەر-ءمينيسترى بوريس دجونسون، ۇلىبريتانيا حانزاداسى چارلز، رەسەي پرەمەر-ءمينيسترى ميحايل ميشۋستين، رەسەي پرەزيدەنتىنىڭ ءباسپاسوز حاتشىسى دميتري پەسكوۆ تا قاۋىپتى دەرتكە شالدىققان.
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟