اقش ساۋدا مينيسترلىگى قىتايداعى جالپى سانى 33 جەكەمەنشىك كومپانيالار مەن ۇكىمەتتىك ۇيىمدارعا سانكتسيا ەنگىزدى.

العاشقىسى سانكتسيا تىزىمىنە قحر قوعامدىق قاۋىپسىزدىك مينيسترلىگىنىڭ سوت ساراپتاماسى ينستيتۋتى مەن سەگىز قىتايلىق زاڭدى تۇلعا كىردى. ۋاشينگتوندا ولارعا «قىتاي قۋعىن-سۇرگىن ناۋقانى بارىسىندا ادام قۇقىقتارىن تاپتاپ، ەتنيكالىق از ۇلتتاردى جاپپاي زاڭسىز ۇستاپ، ەرىكسىز ەڭبەككە كۇشتەدى» دەگەن ايىپ تاعىلدى. مينيسترلىك وكىلدەرى اتاپ وتكەندەي، ولاردىڭ بارلىعى 2019 جىلى قازاندا قۇرىلعان سانكتسيالىق ءتىزىمدى تولىقتىرادى.

ەكىنشى سانكتسيالىق تىزىمگە «ۇلتتىق قاۋىپسىزدىككە نەمەسە قۇراما شتاتتاردىڭ سىرتقى ساياسي مۇددەلەرىنە قايشى كەلەتىن قىزمەتتى جۇزەگە اسىردى» دەگەن ايىپپەن 24 ۇكىمەتتىك جانە كوممەرتسيالىق قىتاي ۇيىمدارى ەنگىزىلدى. بۇل ۇيىمدار قىتايدا، گونكونگتا جانە كايمان ارالدارىندا ورنالاسقان. مينيسترلىك اقش-تان تاۋارلار مەن تەحنولوگيالاردى يمپورتتايتىن بۇل ۇيىمدار جاپپاي قىرىپ-جويۋ قارۋىن جانە اسكەري ماقساتتاعى تەحنولوگيالاردى وندىرەدى دەپ سانايدى.

"The Qazaq Times"