قىتاي مەن رەسەي اقش-تاعى پرەزيدەنتتىك سايلاۋدا دونالد ترامپتىڭ جەڭىسكە جەتۋىنە تۇبەگەيلى قارسى. بۇل تۋرالى اق ءۇي باسشىسى سۇحباتىندا ايتتى.

«مەن رەسەي ءۇشىن قاۋىپتىمىن جانە پۋتين مۇنى تۇسىنەدى. پۋتينمەن ءتىل تابىستىق، بىراق ول مەنىڭ سايلاۋدا جەڭىسكە جەتۋىمدى قالامايدى. جاقسى بايلانىستا بولساق تا، ول مەنىڭ جەڭىسىمە قارسى. سونىمەن قاتار قىتاي دا مەنىڭ ۇتىلعانىمدى قالايدى»، – دەدى ترامپ جۋرناليست شەريل اتكيسسونعا سۇحباتىندا.

اقش بارلاۋ اگەنتتىكتەرى 2016 جىلى وتكەن پيەزيدەنتتىك سايلاۋدا رەسەي سايلاۋ پروتسەسىنە ارالاستى دەپ ايىپتاعان. وسى ءىس بويىنشا يەرگەۋدى اقش ارنايى پروكۋرورى روبەرت ميۋللەر ەكى جىلعا جۋىق ۋاقىت بويى جۇرگىزدى. اتاپ ايتقاندا، ول پۋتين مەن ترامپ اراسىنداعى كەلىسسوزدەردى تەرگەدى. بىراق بولجامدار دالەلدەنگەن جوق.

اق ءۇي باسشىسى ترامپ سايلاۋ ناۋقانى كەزىندە رەسەيلىك شەنەۋنىكتەرمەن زاڭسىز بايلانىستار تۋرالى كۇدىكتى جوققا شىعارعان. ەلدە كەزەكتى پرەزيدەنتتىك سايلاۋ بيىل قاراشادا وتەدى دەپ جوسپارلانىپ وتىر.

"The Qazaq Times"