قاراقيا اۋدانىنا كىرەبەرىتەگى بلوك-بەكەت. فوتو: Lada.kz

ماڭعىستاۋ وبلىسىنىڭ قاراقيا اۋدانىنا قاراستى سەنەك ەلدى مەكەنىندە 23 ادام كوروناۆيرۋس جۇقتىردى، اۋىل اكىمى قىزمەتىنەن بوساتىلدى.

ىندەت الدىمەن كوپ ادامدى جيىپ، اس بەرگەن ۇيدەن شىققان. كەيىننەن سول جيىندا بولعان ءبىراز ادامعا جۇققانى بەلگىلى بولدى.

اياداي اۋىلدا كارانتين ەرەجەسىن ساقتاۋدى قامتاماسىز ەتپەگەنى ءۇشىن وبلىس باسشىسىنىڭ شەشىمىمەن اۋىل اكىمى جۇمىستان شەتتەتىلدى. ال اۋدان اكىمىنە سوگىس جاريالاندى.

قازىر اۋىلعا كىرەبەرىس تۇسقا بلوك-پوستتار قويىلىپ، كۇزەت كۇشەيتىلدى. ۆيرۋس كوپ تاراعان اۋداندار اراسىندا بەينەۋ مەن قاراقيا كوش باستاپ تۇر. بەينەۋ اۋدانىندا 37 تۇرعىننان كوروناۆيرۋس انىقتالدى. اراسىندا قوعامدىق جۇمىس وكىلدەرى مەن دارىگەرلەر دە بار. قازىر بۇل قوس اۋداندا كارانتين رەجيمى كۇشەيتىلگەن. وتباسىلىق جيىن جاساۋعا قاتاڭ تىيىم سالىنعان.

جالپى، 3 ناۋرىزدان باستاپ ايماقتا 11 186 ادام كوروناۆيرۋسقا تەكسەرىلىپ، ىندەت 129 ادامنان انىقتالدى.

بۇعان دەيىن ماڭعىستاۋ وبلىسىندا كارانتين 25 مامىرعا دەيىن ۇزارتىلدى.

"وبلىس كولەمىندە تىركەلگەن 129 ناۋقاستىڭ بەسەۋى شەتەلدەن كەلگەن. ءبىز ستامبۇلدان ءبىر جولاۋشىنى كۇتىپ الدىق، سوسىن سانكت-پەتەربۋرگ پەن استراحاننان ستۋدەنتتەر كەلگەن. جەرگىلىكتى تۇرعىنداردىڭ سانى – 36, ونىڭ 20-سى، وزدەرىڭىز بىلەسىزدەر، اتىراۋ تشو كومپانياسىندا جۇمىس ىستەگەن. سوسىن ولارمەن قارىم-قاتىناستا بولعان 88 ادام بار", – دەپ ءتۇسىندىردى وبلىستىڭ باس مەملەكەتتىك سانيتارلىق دارىگەرى ەرعالي سىدىمانوۆ.

"The Qazaq Times"