قازاقستاندا كوروناۆيرۋستىڭ ەكىنشى تولقىنى كۇزدە باستالۋى مۇمكىن. بۇل تۋرالى قر دسم قوعامدىق دەنساۋلىق ساقتاۋ ۇلتتىق ورتالىعى ديرەكتورى دامير كوبجاساروۆ ايتتى.

«ىندەت جۇقتىرۋ كورسەتكىشتەرى ارتۋىنىڭ ەكىنشى كەزەڭى كۇز مەرزىمىنىڭ ەكىنشى بولىگىنە كەلۋى مۇمكىن. ەل حالقى ۆيرۋستىڭ بار ەكەنىن ۇمىتپاۋى كەرەك. بۇل ىندەت بارشا الەمدە تولىقتاي جويىلمادى. كەيبىر ادامداردا بۇل اۋرۋ ەشبىر بەلگىلەرسىز بولادى، كەيىننەن بۇل ينفەكتسيا اعزاسى ىندەتكە سەزىمتال كىسىلەرگە جۇعۋى مۇمكىن»، - دەدى د. كوبجاساروۆ ونلاين تارتىپتە وتكەن بريفينگتە.

«بۇگىندە ادامدار ىندەتتەن ساۋىعىپ، ۇيلەرىنە ورالىپ جاتىر. ياعني ءومىر جالعاسۋدا، ءبىزدىڭ دەنساۋلىق ساقتاۋ جۇيەمىز، دارىگەرلەرىمىز وزدەرىنە جۇكتەلگەن مىندەتتى ورىنداپ كەلەدى. دەنساۋلىق جاعدايى ناشار ادامدار ساۋىعىپ، اياعىنا تۇرىپ جاتىر»، - دەدى ورتالىق ديرەكتورى.

قازاقستاندا كوروناۆيرۋسقا بايلانىستى 11 مامىرعا دەيىن توتەنشە جاعداي جانە كارانتين جاريالانعان. سوڭعى مالىمەتتەر بويىنشا، ەلدە 4753 ادامنان (جۇمادا 175 ادام قوسىلدى) كوروناۆيرۋس انىقتالدى. 1582 ادام دەرتتەن ايىقتى (جۇمادا 64 ادام جازىلدى).

"The Qazaq Times"