جاپونيادا كارانتين رەجيمى 31 مامىرعا دەيىن ۇزارتىلادى.
Kyodo اگەنتتىگىنىڭ حابارلاۋىنشا، ەلدە ۆيرۋس جۇقتىرۋ دەرەگىنىڭ ازايۋىنا قاراماستان جاپونيا پرەمەر-ءمينيسترى سيندزو ابە توتەنشە جاعداي رەجيمىن ۇزارتۋ تۋرالى شەشىم قابىلداعان.
مالىمەتتەر بويىنشا، ىندەت تاراعالى ەلدە مەديتسينالىق كادرلار تاپشىلىعى ارتىپ، ەكونوميكالىق بەلسەندىلىك تومەندەي تۇسكەن. ۇكىمەتتىك توپ COVID-19 وقيعالارىنىڭ كوبەيۋىنە جول بەرمەۋ ءۇشىن توتەنشە شارالاردى ۇزارتۋدى كەڭەس ەتكەن.ازىرگە ساياباق، كىتاپحانا جانە مۇراجايلاردىڭ جۇمىسىنا سانيتارلىق تالاپتاردى قاتاڭ تۇردە ساقتاۋ شارتىمەن عانا رۇقسات ەتىلمەك.
جاپونيادا 15 مىڭداي ادام ۆيرۋسقا شالدىقسا، 550-گە جۋىق ناۋقاس قايتىس بولعان. ءساۋىردىڭ باسىندا پرەمەر-مينيستر قالالىق اۋداندار – توكيو، وساكا جانە فۋكۋوكانى قامتيتىن جەتى پرەفەكتۋرادا توتەنشە جاعداي جاريالاعان. 16 ساۋىردە تج رەجيمى بۇكىل ەل بويىنشا ەنگىزىلدى. ۇكىمەت باسشىسى ۆيرۋستىڭ ەل ەكونوميكاسىنا كەلتىرگەن زاردابىنا بايلانىستى جاپونيانىڭ 126 ميلليونعا جۋىق ءار ازاماتىنا 100 000 يەننەن (930 دوللار) بەرۋگە ۋادە ەتتى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى