گەرمانيانىڭ كونستيتۋتسياسىن قورعاۋ جونىندەگى فەدەرالدى باسقارماسى قىتايدا كوروناۆيرۋستىڭ تارالۋى جونىندە جاسىرىن ۇگىت-ناسيحات ساياساتىن ۇستانىپ وتىر دەپ سانايدى. بۇل تۋرالى گەرمانيالىق Welt am Sonntag گازەتى حابارلادى.
«قىتاي شەنەۋنىكتەرى كوروناۆيرۋسقا قاتىستى اقپاراتتىق-ناسيحات جۇمىستارىن ءوز پوزيتسياسىنان ۇسىنىپ وتىر»، - دەلىنگەن اگەنتتىك حابارلاماسىندا. گەرمانيا بارلاۋىنا سايكەس، بەيجىڭ COVID-19 ۆيرۋسىنىڭ قىتايدان شىققانىن مويىنداعىسى كەلمەيدى جانە باتىس ەلدەرىنە قىتايدى «الەمدىك داعدارىستى ءبىرىنشى بولىپ جەڭىپ شىققان سەنىمدى سەرىكتەس رەتىندە كورسەتۋگە» تىرىسىپ وتىر.
قىتاي وكىلدەرى گەرمانيا مينيسترلەرىمەن بايلانىسقا شىعىپ، بەيجىڭنىڭ پاندەميامەن كۇرەستەگى ءىس-ارەكەتتەرىنە وڭ باعا بەرۋىن سۇراعان. باسىلىمنىڭ مالىمەتىنشە، ناۋرىزدا گەرمانيا سىرتقى ىستەر مينيسترلىگى باسقا فەدەرالدى ۆەدومستۆولارعا قىتاي تاراپىنىڭ وتىنىشىنە جاۋاپ بەرمەۋ تۋرالى ۇسىنىس بىلدىرگەن.
ايتا كەتەيىك، قىتايدىڭ حۋبەي پروۆينتسياسىنان تاراعان كوروناۆيرۋس دەرتىنە الەم بويىنشا 1 ميلليون 800 مىڭعا جۋىق ادام شالدىقسا، 110 075 ادام اجال قۇشقان. باتىس باسىلىمدارى قىتاي بيلىگىنىڭ COVID-19 جونىندە مالىمەتتەردى جاسىرىپ وتىرعانىن جازسا، اقش كوروناۆيرۋستى «ۋحان ۆيرۋسى» دەپ بىرنەشە مارتە مالىمدەگەن.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر