جاپونيا پرەمەر-ءمينيسترى سيندزو ابە COVID-19 ۆيرۋسىنىڭ تارالۋىنا بايلانىستى توكيو، وساكا جانە تاعى 5 پرەفەكتۋرادا 6 مامىرعا دەيىن توتەنشە جاعداي ەنگىزىلدى.
ەندى توكيو، تيبا، كاناگاۆا جانە سايتاما، وساكا، حيوگو مەن فۋكۋوكەدە ەل تۇرعىندارىنىڭ اسا قاجەتتىلىك بولماعان جاعدايدا ۇيدەن شىقپاۋى ءتيىس. رەجىمدى ساقتاماعاندارعا زاڭ جۇزىندە جازا قاراستىرىلعان جوق، بىراق ەل بيلىگى تۇرعىندارعا توتەنشە جاعداي تالاپتارىن ساقتاۋعا ۇندەدى.
جاپونيادا كوروناۆيرۋستىڭ تارالۋىن تومەندەتۋ ءۇشىن بارلىق شارالار قاراستىرىلىپ جاتىر. قوعامدىق كولىك توقتامايدى، بىراق ابە اتالعان پرەفەكۋرالارداعى ازاماتتاردان ساپارلارىن توقتاتا تۇرۋدى سۇرادى.
الەم بويىنشا قاۋىپتى ىندەت جۇقتىرعاندار سانى 1 ميلليوننان اسىپ كەتتى. جاپونيادا كوروناۆيرۋس جۇقتىرعاندار سانى 4800-دەن استى، ونىڭ 700-گە جۋىعى اقپاندا يوكوگاما پورتىندا كارانتينگە توقتاتىلعان Diamond Princess كرۋيزدىك لاينەرىنىڭ جولاۋشىلارى. بۇعان دەيىن حالىقارالىق وليمپيادا كوميتەتى 2020 جىلى توكيودا ءوتۋى كەرەك بولعان وليمپيادا جانە پاراليمپيادا ويىندارىن كوروناۆيرۋستىڭ تارالۋىنا بايلانىستى 2021 جىلعا شەگەرگەنى حابارلانعان بولاتىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى