7 ساۋىردە قازاق تەلەگراف اگەنتىگى قازاقستان ۇكىمەتىنىڭ جەر ۋچاسكەلەرىن تەگىن بەرىلەتىن وتاندىق ونەركاسىپتىك كاسىپورىندار تىزىمىنە ەۋرازيالىق ەكونوميكالىق وداققا (ەاەو) مۇشە ەلدەر قاراماعىنداعى كاسىپورىنداردى قوسۋدى قاراستىرىپ جاتقانىن جازدى.

وسىعان وراي بەلگىلى ساياساتكەرلەر مەن قوعام بەلسەندىلەرى «حالىق كارانتيندە تىپىر ەتپەي جاتقاندا، بيلىك تاعى دا جەر ماسەلەسىن تىقپالاي باستادى. مىناۋ قۇجاتتىڭ جوباسى زاڭ كۇشىنە ەنەتىن بولسا، ەۋرازيالىق ەكونوميكالىق وداققا مۇشە ەلدەر (رەسەيدەن باسقا كىم بولسىن؟) قازاقتىڭ جەرىن سۋ تەگىن يەلەنۋى مۇمكىن، قاتاڭ كارانتين كەزىندە قانداي قوعامدىق تالقىلاۋ بولماق؟ قازاقتىڭ جەرىن نازارباەۆتىڭ جۇيەسى ساۋداعا شىعارماق! قازاقتىڭ جەرىن شەتەلدىكتەرگە بەرۋ ماسەلەسىن قايتادان كوتەرمەك! بۇل قازاقستاننىڭ جەرىنە تەك قانا قازاقستاننىڭ ازاماتتارى عانا يەلىك ەتۋى كەرەك» دەپ نارازىلىقتارىن ءبىلدىرىپ الەم جەلى ارقىلى ءوز قارسىلىقتارىن تانىتىپ جاتىر.

اقپاراتتىق اگەنتتىكتىڭ جازۋىنشا: «قازاقستان رەسپۋبليكاسى ۇكىمەتىنىڭ قاۋلىسى: (...) كورسەتىلگەن قاۋلىمەن بەكىتىلگەن جەر ۋچاسكەلەرى تەگىن بەرىلەتىن وتاندىق ونەركاسىپتىك كاسىپورىنداردىڭ تىزىمىنە ەنگىزۋ ءۇشىن وتاندىق ونەركاسىپتىك كاسىپورىنداردى ىرىكتەۋ ولشەمدەرىنە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە كەلەسى وزگەرىستەر مەن تولىقتىرۋلار ەنگىزىلسىن: (...) 2) تارماققا تومەندەگىدە وزگەرتۋ ەنگىزىلسىن: 2) ەۋرازيالىق مەملەكەتتەردىڭ مۇشەلەرىن قوسپاعاندا، شەتەلدىكتىڭ ۇلەسى جوق كاسىپورىن; ەكونوميكالىق وداعى «، - Yكiمەتi قاۋلىسىنىڭ جوباسىن كورسەتىلگەن.

ۇكىمەت بۇل تىزىمگە «KamLitKZ» جشس-نى(قوستاناي قالاسىندا قۋاتتىلىعى جىلىنا 50 مىڭ توننا قۇيىلعان اۆتوموبيل كومپونەنتتەرىن قۇرايتىن تەمىر قۇيۋ زاۋىتىنىڭ قۇرىلىسى) جانە

 «توبولكز» جشس (قۋاتتىلىعى جىلىنا 86 مىڭ داناعا دەيىن جۇك ماشينالارىنىڭ جەتەك بىلىكتەرىنىڭ بەرىلىس قوراپتارىن شىعاراتىن زاۋىت) قوسۋعا نيەتتى.

قارار جوباسى 21 ساۋىرگە دەيىن قوعامدىق تالقىلاۋدا بولادى.

"The Qazaq Times"