قىتاي جاڭا تەحنولوگياسى اقش پەن جاپونيادان كەيىن كەلەدى

اقش «Wall Street Journal» باسىلىمىنىڭ ايتۋىنشا  قازىرگى تاڭدا قىتاي قاتتى-جۇمساق بولشەكتەردى، ەلەكتروندى ميشىقتاردى زەرتتەۋگە سالعان قارجىسى الەمنىڭ الدىنعى ورنىندا،  سوعان ساي جەتكەن ناتيجەلەرى دە الدىنعى قاتارعا ءوتتى.

باسىلىمنىڭ مالىمەتىنە بۇل سالادا قىتاي 2009 جىلى جاپونيانى، 2013 جىلى ەۋروپانى باسىپ وزعان. ال وسى قارقىنمەن دامىتا بەرەر بولسا، 2020 جىلى اقش-تىڭ الدىنا ءتۇسۋى مۇمكىن دەپ كورسەتكەن.  اتالعان جۋرنالدىڭ سارابىندا: قازىر قىتاي يننوۆاتسيالىق تەحنولوگيالاردىڭ دامۋىنا ناقتى قانداي جاڭالىقتارىن الىپ كەلەرى بەلگىسىز، الايدا قازىر قىتاي روبوت جاساۋ، ادامسىز جۇمىس ىستەۋگە قابىلەتتى جۇيەلەر، ينتەرنەت تەحنولوگيالارى سالالارىندا قاۋرت دامىتۋ باعدارلامالارىن جۇزەگە اسىرىپ جاتىر. مىسالى قىتاي جاساعان ءبىر تۇردەگى كومپيۋتەر الەمدەگى 500-گە جۋىق قولدانىلمالى سۋپەر كومپيۋتەرلەردىڭ ىشىندە الدىنعى ورىنعا شىقتى. جۇمىس جىلدامدىعى دا اقش-تا جاسالعان سوڭعى ۇلگىدەگى كومپيۋتەردەن 5 ەسەگە تەز.

قىتايلىق جاڭا تەحنولوگيالار فوتو: NBC News

دۇنيەجۇزىلىك «زياتكەرلىك مەنشىك قۇقىعىن قورعاۋ» ۇيىمىنىڭ «پاتەنتتىك كووپەراتسيا جيناعىندا» وتكەن جىلدا قىتايدىڭ جاڭالىق جاراتۋداعى الەمدىك ۇلەسىنىڭ كۇرت وسكەنىن مالىمدەگەن. ياعني، الەمنىڭ 13,7 پايىز يەلەگەن. قولدانۋ سانى 29 مىڭ 846 رەتكە جەتىپ، اقش پەن جاپونيادان كەيىنگى 3 ورىنعا جايعاسقان. ال، ايتا كەتەرلىگى، وسىدان 10 جىل بۇرىن بۇل كورسەتكىش بار بولعانى 1,8 پايىز قۇرعان ەكەن.

بۇل، ارينە، اتالعان ەلدەگى عىلىم-تەحنيكانى دامىتۋعا قوسقان قارجىسى مەن ۇكىمەت قولداۋىنىڭ ناتيجەسى دەۋگە بولادى. قازاقستانداعى عىلىم-تەحنيكانى دامىتۋ ىسىندە الەمدەگى ناتيجەلى ەلدەردىڭ تاجىريبەسىمەن ءبولىسۋ كەمشىل ءتۇسىپ جاتقان جوق، تەك جۇيەسىزدىككە بوي الدىرىپ كەلەمىز.

"The Qazaq Times"