The Qazaq Times-تىڭ "Talk-Tor" سۇحبات جوباسىندا ورتا ازيا جانە وعان جاقىن ەلدەر مەن ايماقتاردىڭ گەوساياسي وزگەرىستەرىنە قاتىستى تاقىرىپتاردا ستامبۋل ۋنيۆەرسيتەتىنەن كەلگەن زەرتتەۋشى ءومىر قۇل مىرزامەن تالقى وتكىزگەن بولاتىنبىز. اڭگىمە بارىسىندا ءومىر قۇل مىرزا ايماقتاعى جانە وعان جاقىن ايماقتارداعى بىرقاتار ماسەلەلەرگە توقتالىپ ءوز پىكىرىن اشىق ورتاعا سالدى. اسىرەسە، ورتالىق ازياداعى تۇركى ەلدەرى مەن وعان رەسەي مەن قىتاي سىندى دەرجاۆالاردىڭ ىقپالى، سونداي-اق، كۇردەلى قايشىلىقتارى ءالى شەشىم تاۋىپ بولماعان ورتا شىعىستاعى كولەڭكەلى ماسەلەلەر تۋرالى دا قۇندى كوزقاراستارىن ءبىلدىردى. 

ءومىر قۇل اۋعانستان ماسەلەسىن ايرىقشا توقتالىپ، ازيانىڭ جۇرەگى سانالاتىن اۋعانستاننىڭ گەوساياسي، ستراتەگيالىق ماڭىزىنا بايلانىستى ونداعى بولىپ جاتقان كۇردەلى جاعدايلارعا قاتىستى دا ءبىزدىڭ قوعام ءۇشىن جاڭا ويلارىن ورتاعا سالدى.

“The Qazaq Times”