وزبەكستاندا 11 دارىگەر كوروناۆيرۋس جۇقتىرعان. ال قازاقستاندا تىركەلگەن ناۋقاستاردىڭ اراسىندا شەتەلدەن كەلگەندەر مەن بايلانىستا بولعاندار دا بار.
قازاقستاننىڭ اقپارات ءمينيسترى داۋرەن اباەۆ 26 ناۋرىز كەشكىسىن كوروناۆيرۋس جۇقتىرعان ءبىر ناۋقاستىڭ كوز جۇمعانىن حابارلادى. اباەۆتىڭ سوزىنشە، قايتىس بولعان ايەل ادام استانادا ەمدەلىپ جاتقان. دەگەنمەن الەۋمەتتىك جەلىدە ءارتۇرلى مالىمەت تارادى. 64 جاسىندا COVID-19 ينفەكتسياسىنان قايتىس بولعان مارقۇم ايەلدىڭ ۇيدە بولعانىن، سوڭعى بىرنەشە تاۋلىكتە ءۇش مارتە جەدەل جاردەم شاقىرعانى جونىندە دەرەك بار.
دەنساۋلىق ساقتاۋ مينيسترلىگى تاراتقان حابارلامادا اقمولا وبلىسىنىڭ 64 جاستاعى تۇرعىنىنىڭ «ءولىم سەبەبى – ەكى جاقتى پنەۆمونيا، دەم جەتىسپەۋشىلىگى، سەپسيس، قانت ديابەتى، گيپەرتونيالىق اۋرۋلار مەن اتەروسكلەروز. ال پنەۆمونيا سەبەبى – كوروناۆيرۋس» دەلىنگەن.
سونداي-اق ەلدەگى العاشقى قازاعا بايلانىستى پرەزيدەنت توقاەۆ Twitter جەلىسىندەگى رەسمي پاراعىنا ءوز پىكىرىن جازدى.
«64 جاستاعى ايەلدىڭ كوروناۆيرۋستان قايتىس بولۋى بۇل ىندەتتىڭ اسا قاۋىپتى ءارى كارانتيندى ساقتاۋ وتە ماڭىزدى ەكەنىن كورسەتەدى. تۋعان-تۋىستارىنا كوڭىل ايتامىن. ەلوردا مەن الماتىدا كارانتين شارالارىن كۇشەيتىپ، شىمكەنتتە شەكتەۋلەر ەنگىزۋ جونىندە شەشىم قابىلداندى»، – دەپ جازدى ول.
27 ناۋرىز مارقۇمنىڭ ناۋرىز تويى كەزىندە الماتى قالاسى مەن شۋ وڭىرىنە پوەزبەن قوناققا بارىپ قايتقانى بەلگىلى بولدى. قازىرگى تاڭدا قازاقستاننىڭ ون وڭىرىنەن 124 ناۋقاس تىركەلگەن، ەكەۋى اۋرۋىنان ايىعىپ شىقسا، بىرەۋى كوز جۇمدى. دەرتكە شالدىققانداردىڭ جارتىسىنا جۋىعى استانادان، ەلۋ شاقتىسى الماتى قالاسىنان، قاراعاندىدا ءتورت، اتىراۋ جانە جامبىل وبلىستارىندا ۇشەۋدەن، شىمكەنتتە ەكى، سقو، اقمولا جانە الماتى وبلىستارىندا ءبىر ناۋقاستان تىركەلدى.
قازاقستاننان ءبىر اپتا كەيىن قاۋىپسىزدىك شاراسىن قولعا الىپ، كارانتينگە قامدانعان وزبەكستاندا دا جۇما كۇنى تاڭدا العاشقى ءولىم جاعدايى انىقتالدى. ەلدىڭ سانيتار ينسپەكتورى نۋرمات اتابەكوۆ «نامانگان ايماعىنىڭ 72 جاستاعى تۇرعىنى بۇعان دەيىن قانت ديابەتى جانە جۇرەك قانتامىرىنىڭ جەتىسپەۋىمەن اۋىرعانىن» حابارلادى.
COVID-19 كوروناۆيرۋسىن جۇقتىرعان 83 وزبەكستاندىقتىڭ 11-ءى دارىگەر ەكەنى بەلگىلى بولدى. تاشكەنت بيلىگى قىزمەت بارىسىندا دەرتكە شالدىققان ءار دارىگەرگە مەملەكەت تاراپىنان 10 مىڭ دوللار كولەمىندە جاردەماقى بەرىلەتىنىن مالىمدەدى.
بۇگىندىككە تاڭنان بەرى قازاقستاندا 11, وزبەكستاندا 8 جاعداي تىركەلىپ ۇلگەردى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى