«The New York Times»، «The Washington Post» جانە «The Wall Street Journal» باسىلىمدارى قىتاي بيلىگىنەن اقش تىلشىلەرىن ەلدەن شىعارۋ تۋرالى شەشىمدى قايتا قاراۋدى تالاپ ەتىپ، بەيجىڭنىڭ بۇل ارەكەتىن سىنعا الدى. بۇل تۋرالى Reuters اشىق حاتقا سىلتەمە جاساپ حابارلادى.
«قىتاي ۇكىمەتىنەن جاڭالىقتار بولىمدەرىندە جۇمىس ىستەيتىن تىلشىلەرىمىزدى ەلدەن شىعارۋ تۋرالى شەشىمدى وزگەرتۋىن قاتاڭ تۇردە تالاپ ەتەمىز»، — دەلىنگەن حاتتا. ولار سونداي-اق مۇنداي شەشىم كوروناۆيرۋس پاندەمياسىمەن جاھاندىق كۇرەس جاعدايىندا قولايسىز ەكەنىن ايتتى.
17 ناۋرىزدا قىتاي «The New York Times»، «Washington Post» جانە «The Wall Street Journal» گازەتتەرىنىڭ كەيبىر جۋرناليستەرىن اككرەديتاتسيالاۋدان باس تارتقان.
ناۋرىزدىڭ باسىندا اقش مەملەكەتتىك دەپارتامەنتى امەريكاداعى قىتايلىق رەداكتسياداردا جۇمىس ىستەيتىن جۋرناليستەردىڭ سانىن 160-تان 100 ادامعا دەيىن قىسقارتۋ تۋرالى شەشىم قابىلدادى. 13 ناۋرىزدان باستاپ «سينحۋا» اگەنتتىگىنىڭ قىتاي تولقۇجاتى بار قىزمەتكەرلەرىنىڭ سانى 59, CGTN — 30, China Daily — 9 ادامعا جەتتى.
بۇعان دەيىن بەيجىڭ «The Wall Street Journal» گازەتىندە جارىق كورگەن «قىتاي — ازياداعى ناعىز ناۋقاس مەملەكەت» دەگەن ماقالادان كەيىن اتالعان رەداكتسيانىڭ ءۇش تىلشىسىنە بەرىلگەن اككرەديتاتسيانى قايتارىپ الىپ، بەس كۇننىڭ ىشىندە ەلدەن كەتۋ تۋرالى بۇيرىق شىعارعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى