اقش يرانعا قارسى سانكتسيا ءتىزىمىن كەڭەيتتى

امەريكا يرانعا ەنگىزىلگەن سانكتسيالاردىڭ ءتىزىمىن كەڭەيتتى. بۇل تۋرالى اقش قارجى مينيسترلىگىنىڭ ءباسپاسوز قىزمەتى حابارلادى.

رەستريكتسيا Alam Althrwa General Trading, Alphabet International Dmcc, Alwaneo, Petro Grand FZE جانە Swissol Trade كومپانيالارىنا قاتىستى. رەسمي ۋاشينگتوننىڭ ايتۋىنشا، اتالعان كومپانيالار يران مۇناي جانە مۇناي-حيميا ونىمدەرىن ساتۋعا ىقپال ەتىپ وتىر.

قارجى مينيسترلىگى: «2019 جىلى بۇل بەس كومپانيا بىرلەسىپ جۇزدەگەن مىڭ توننا مۇناي ونىمدەرىن يران ۇلتتىق مۇناي كومپانياسىنان ساتىپ الدى. مۇناي جانە مۇناي-حيميا سالالارى يران رەجيمى ءۇشىن تابىستىڭ نەگىزگى كوزى سانالادى، ول تاياۋ شىعىستاعى يسلام رەۆوليۋتسياسى كۇزەت كورپۋسىنىڭ زاڭعا قايشى ارەكتەرىنە بىرلەسە اتسالىسقان. سونىڭ ىشىندە تەرروريستىك توپتارعا قولداۋ كورسەتۋ دە بار»، – دەيدى.

قارا تىزىمگە جەكە جانە زاڭدى تۇلعالاردىڭ ەنۋى – ولاردىڭ اقش-تاعى اكتيۆتەرىنىڭ بۇعاتتالۋىن بىلدىرەدى جانە امەريكالىق كومپانيالارعا يرانمەن كەلىسىمشارتقا وتىرۋعا قاتاڭ تىيىم سالىنادى. تىيىم شەتەلدىك قارجى مەكەمەلەرىنە دە قاتىستى قولدانىلادى.

"The Qazaq Times"