فوتو: voachinese.com

اقش مەملەكەتتىك حاتشىسى پومپەو نيۋ-يوركتەگى بۇۇ-نىڭ شتاب-پاتەرىنە بەيسەنبىدە بۇۇ قاۋىپسىزدىك كەڭەسىنىڭ يرانعا قارسى سانكتسيالارىن قايتا باستاۋعا شاقىردى. قۇراما شتاتتاردىڭ مالىمدەۋىنشە تەگەران بيلىگىنىڭ يادرولىق قارۋدى جاساۋعا كۇش سالۋدا. پومپەو مالىمدەمەسىندە رەسەي مەن قىتاي حالىقارالىق سانكتسيانى قولداماسا قۇراما شتاتتار بۇل ەكى ەلگە قاراتا جاڭا سانكتسيا ەنگىزەتىنىن ايتقان. 

وتكەن اپتادا اقش قاۋىپسىزدىك كەڭەستى يرانعا قارۋ-جاراق ەكسپورتىنا تىيىم سالۋ مەرزىمىن ۇزارتۋعا داۋىس بەرۋگە شاقىرعان، الايدا داۋىس بەرۋ وڭ ناتيجە كورسەتپەدى. قىتاي مەن رەسەي بۇعان قارسى داۋىس بەردى، ال اقش پەن وداقتاستاردىڭ كوپشىلىگى بەيتاراپ قالدى. 2015 جىلى ءىرى دەرجاۆالار مەن يران قول قويعان يراننىڭ يادرولىق كەلىسىمىنە سايكەس، تەگەران بيلىگى ءوزىنىڭ يادرولىق زەرتتەۋلەر مەن ازىرلەگەن جوبالارىن جالعاستىرماۋ كەرەك، ونىڭ ورنىنا بىرىككەن ۇلتتار ۇيىمى يرانعا ەكونوميكالىق سانكتسيالار سالماۋعا كەلىسكەن. سونىمەن قاتار، يرانمەن بولعان قارۋ-جاراق كەلىسىمنىڭ مەرزىمى وسى جىلدىڭ 18 قازاندا اياقتالادى.

پومپەو وتكەن تاۋلىكتە تەلەارنداعى توك-شوۋدا يرانعا رەسەيدىڭ اۋە شابۋىلىنا قارسى قورعانىس جۇيەلەرى مەن قىتايلىق تانكتەردى ساتىپ الۋعا مۇمكىندىك بەرمەيتىنىن، ول قارۋلار تاياۋ شىعىستا قاۋىپ پەن تۇراقسىزدىق الىپ كەلەتىنىن ايتتى.

اقش-تىڭ ەۋروپالىق وداقتاستارى قارۋ-جاراقتىڭ ەمبارگوسىنىڭ مەرزىمى اياقتالعاننان كەيىن سانكتسيانى جالعاستىرۋ تەگەران بيلىگىنىڭ يراننىڭ يادرولىق كەلىسىمىنەن تولىعىمەن باس تارتۋىنا جانە يادرولىق قارۋدى زەرتتەۋ مەن دامىتۋ جوبالارىن قايتا قولعا الۋىنا سەبەپ بولادى دەپ الاڭدايدى.

قاۋىپسىزدىك كەڭەسىنىڭ داۋىس بەرۋدە جەڭىلگەننەن كەيىن اقش بۇۇ-نى يرانعا قاتىستى يادرولىق كەلىسىمنىڭ ءتيىستى ەرەجەلەرىنە سايكەس يرانعا قارسى ەكونوميكالىق سانكتسيالاردى قايتا باستاۋعا شاقىردى. الايدا، بىرنەشە باقىلاۋشىلار ترامپ اكىمشىلىگىن يراننىڭ يادرولىق كەلىسىمىنەن شىعارىلاتىنىن ايتتى، سوندىقتان يرانعا ەكونوميكالىق سانكتسيالاردى قالپىنا كەلتىرۋدى تالاپ ەتۋ قيىنعا سوعادى.

"The Qazaq Times"