ترامپ: ەگەر قىتاي سولتۇستىك كورەيا ىسىندە اقش-تى جاقتاماسا، وندا ءبىز جەدەل ارەكەتكە كىرىسەمىز

اقش پرەزيدەنتى دونالد ترامپ ( Donald Trump): ەگەر قىتاي جاق سولتۇستىك كورەيانىڭ يادرولىق سىناقتاردى دامىتۋ ءىسىن تەجەگىسى كەلمەسە، وندا اقش قاتاڭ شارالار قولداناتىن بولادى»، – دەپ قاداي ايتتى. اقش پەن قىتاي باسشىلارىنىڭ رەسمي كەزدەسۋى بىرنەشە كۇننەن كەيىن بولاتىنى بەلگىلى. ترامپ بۇل جولى شي جينپيڭمەن (Xi Jinping) كەزدەسۋ بارىسىندا ساۋدا ارىپتەسىك قارىم-قاتىناستارى مەن سولتۇستىك كورەيانىڭ يادرولىق سىناقتى كەڭەيتۋ ءىسىن باستى كەلىسسوز تاقىرىپ ەتىپ كوتەرمەك.

ترامپ كەلىسسوزدە قىتاي باسشىسىن ەكى ەل اراسىنداعى تاۋار ايىرباسى مەن سولتۇستىك كورەيا ماسەلەسىندە دەگەنىنەن كوندىرۋگە تىرىسادى. وعان قوسا ترامپ ۇكىمەتىنىڭ قاراۋىنشا اقش ساۋدا تاپشىلىعىن تۋدىرعان ەڭ نەگىزگى سەبەپ – قىتاي ۇكىمەتىنىڭ قولايسىز نارىقتىق ەكونوميكا ساياساتى ەكەن. سونداي-اق، ترامپ تاققا وتىرعالى بەرى قۇراما شتاتتاردىڭ  قىتايمەن جاساسقان ساۋدا كەلىسىمدەرى اقش ءۇشىن ادىلەتسىزدىك دەپ باعالانىپ كەلەدى.

اقش پرەزيدەنتى جەكسەنبى كۇنى «Financial Times» باسىلىمىنىڭ سۇحباتىن قابىلداعاندا، قىتاي جاقتىڭ سولتۇستىك كورەيا ءىسى تۋرالى اقش-تى جاقتاۋى، جاقتاماۋىنىڭ سالدارى تۋرالى ءسوز ەتتى. ول: «بۇل اتالعان ءىس جونىندە قىتاي اقش-قا كومەكتەسسە وزىنە ۇلكەن تابىس اكەلگەلى تۇر. ال، ءبىزدى جاقتاماسا ۇلكەن زيىن كەلەدى. مەنىڭ ساۋدا دەگەنىمىز جەلىكتىرۋ ءىس ارەكەتى دەپ قارايمىن. شىن مانىسىندە ساۋدا-ساتتىق دەگەننىڭ ءبارى سولاي»، – دەدى.  جۋرناليستىڭ: «ەگەر الداعى رەسمي كەزدەسۋ ءسىز ايتقانداي تابىستى بولماسا نە بولادى ؟» – دەگەن سۇراعىنا، ترامپ: « ەگەر قىتاي سولتۇستىك كورەيانىڭ يادرونى دامىتۋ ءىسىن تەجەۋگە كەلىسپەسە، امەريكا قۇراما شتاتتارى جەدەل ارەكەت جاساۋعا شەشىم قابىلدايدى»، – دەدى.

“The Qazaq Times”