نارىقتا مۇناي باعاسى ارزاندادى. Brent ماركالى مۇناي باعاسى توقسانىنشى جىلداردان بەرى قۇلدىراپ كورمەگەن دەڭگەيگە ءبىر-اق ءتۇستى. نارىق كۇيزەلىپ، تەڭگە تەڭسەلدى.

وتكەن دۇيسەنبىدە الەم ءدۇر­لىكتى: وسى اي باسىندا عانا ءار باررەل-بوشكەسى 52 دوللاردان ساۋدالانعان «قارا التىن» قۇنى 9 ناۋرىزدا 33,94 دوللارعا دەيىن قۇلدىرادى. بارلىق دۇنيە­جۇزىلىك بيرجالار تەرەڭ قۇر­دىمنان ءبىر-اق شىقتى.

ۇلتتىق بانك باعا تۇراقتىلى­عىن قولداپ، تەڭگەنىڭ قۇنىن قور­عاۋ ماقساتىندا بازالىق ستاۆكانى جانە پايىزدىق ءدالىزدى جىلدىق 12%-عا دەيىن ارتتىرۋ تۋرالى شەشىم قابىلدادى. تەڭگەنىڭ ەركىن وزگەرمەلى ايىرباستاۋ با­عامى رەجيمىن ۇستانادى، الايدا قانداي دا ءبىر كۇتپەگەن وزگەرىس­تەر بولسا، قارجى جۇيەسىنىڭ تۇراقتى­لىعىن قامتاماسىز ەتۋ ءۇشىن ۆاليۋتالىق ينتەرۆەنتسيا ءجۇر­گىزىلەدى.

ۇلتتىق بانك بۇعان دەيىن دە ينتەرۆەنتسيا جاساعانى ەسىمىزدە. ماسەلەنى شەشۋدىڭ باسقا تەتىگىن قاراستىرماي، ينتەرۆەنتسياعا يەك ارتۋ شاراسىزدىقتى بىلدىرسە كەرەك.

"The Qazaq Times"