برازيليا پرەزيدەنتى جاير بولسونارۋ كوروناۆيرۋس جۇقتىرعان. بۇل تۋرالى Fox news حابارلادى.

رەسمي بيلىك اقپاراتتى ءالى راستاعان جوق. بۇعان دەيىن مەملەكەت باسشىسىمەن بايلانىستا بولعان جەرگىلىكتى شەنەۋنىكتەردىڭ ءبىرىنىڭ ىندەتكە شالدىققانى بەلگىلى بولعان ەدى. وسىدان كەيىن پرەزيدەنت تە تەكسەرۋدەن وتكەن.

سوڭعى اقپارات بويىنشا  برازيليادا كوروناۆيرۋستى 76 ادامنىڭ جۇقتىرعانى راستالدى. تاعى 1,5 مىڭعا جۋىق تۇرعىن «ىندەتكە شالدىققان بولۋى مۇمكىن» دەگەن كۇدىكپەن تەكسەرۋدەن ءوتىپ جاتىر.

جاقىندا برازيليا پرەزيدەنتى مەن ۆيرۋستى جۇقتىرعان شەنەۋنىك اقش-قا بارىپ، دونالد ترامپپەن كەزدەسكەن. ترامپتىڭ ءباسپاسوز حاتشىسى «اق ءۇي باسشىسىنا تەكسەرۋدەن ءوتۋ قاجەت ەمەس» دەگەن مالىمدەمە جاسادى.

قازىرگى ۋاقىتتا الەم بويىنشا ۆيرۋس جۇقتىرعاندار سانى 130 مىڭنان استى. بەس مىڭنان استام ادام قايتىس بولعان.

"The Qazaq Times"