كحدر وڭتۇستىك كورەياعا زىمىران ۇشىردى

سولتۇستىك كورەيا وڭتۇستىك كورەياعا انىقتالماعان مودەلدەگى زىمىران ۇشىردى.

اقش سولتۇستىك كورەيادان جاسىرىن زىمىران بازالارىن تاپقان. سول ۋاقىتتا ون ءۇش بالليستيكالىق زىمىران بازالارىنىڭ تاۋلى ايماقتاردا ورنالاسقاندىعى بەلگىلى بولىپ، ولاردى ىسكە قوساتىن قوندىرعىلار انىقتالماعان. سول سەبەپتى بىلتىر قازاندا ۋاشينگتون مەن پيوڭياڭ كورەيا تۇبەگىن يادرولىق قارۋدان ازات ەتۋ بويىنشا كەلىسسوزدى قايتا باستايتىنىن حابارلاعان.

Yonhap اگەنتتىگىنىڭ حابارلاۋىنشا، «ستراتەگيالىق قارۋ» سۋاستى قايىعىنان جىبەرىلەتىن قۇرلىقارالىق بالليستيكالىق راكەتانىڭ نەمەسە بالليتيسكالىق راكەتانىڭ جەتىلدىرىلگەن ءتۇرى بولۋى مۇمكىن. بۇعان دەيىن پرەزيدەنتتىڭ جاڭاجىلدىق جولداۋىندا پيوڭياڭ جاقىن ارادا «جاڭا ستراتەگيالىق قارۋدىڭ» پايدا بولاتىنىن جانە «كۇتپەگەن ارەكەتتەر» تۋرالى ەسكەرتكەن بولاتىن.

بىلتىر اقش-پەن ۇزاققا سوزىلىپ كەتكەن يادرولىق قارۋسىزداندىرۋ بويىنشا كەلىسسوزدەر اياسىندا سولتۇستىك كورەيا زىمىرانداردى 13 رەت سىناقتان وتكىزگەن بولاتىن. رەسمي پيوڭياڭ بۇل سىناقتاردى امەريكا مەن وڭتۇستىك كورەيا اراسىنداعى بىرلەسكەن جاتتىعۋعا قارسىلىق ەسەبىندە جۇرگىزىپ وتىرعانىن مالىمدەگەن.

"The Qazaq Times"